206. (10. ) De quot quot et tot tot.

1. Quot sunt horae et quot morae, Quot annorum spatia,

Quot sunt laudes et quot fraudes, Quot in caelis gaudia,

Quot sunt visus et quot risus, Quot virorum studia;

2. Quot sunt montes et quot fontes Et quot ignes aetheris,

Quot sunt apes et quot dapes Et quot aves aeris,

Quot sunt metus et quot fletus, Quot labores miseris;

3. Quot sunt lares et quot pares,

Quot per mundum flumina, Quot sunt boves et quot oves,

Quot in pratis gramina, Quot sunt stillae et quot villae,

Quot villarum nomina;

4. Quot sunt leges et quot greges

Et quot frondes arborum, Quot sunt valles et quot calles

Et quot umbrae nemorum, Quot sunt manes et quot canes

Et momenta temporum;

5. Quot sunt formae et quot normae,

Quot in terris homines, Quot sunt luctus et quot fluctus,

Quot in mari turbines, Quot sunt grues et quot sues

Et quot vitae ordines;

Quot sunt stellae et quot velle, Quot in castris milites,

Quot sunt rura et quot iura, Quot in orbe divites,

Quot sunt fures et quot mures, Quot in agris limites;

7. Quot sunt patres et quot matres Et quot matrum pueri,

Quot sunt rogi et quot logi, Quot metrorum numeri,

Quot sunt poenae, quot catenae, Quot in orco miseri;

8. Quot sunt mores, quot colores Et quot rerum species,

Quot sunt vites et quot lites, Quot bellorum acies,

Quot sunt mortes et quot sortes, Quot malorum rabies:

9. Tot honores, tot favores Et tot laudum titulos

Malcho demus et cantemus Dulces illi modulos,

Qui ut bonus sic patronus Nos agnoscat famulos.

10. Voce rauca scripsi pauca;

Malche, grata sumito Meque Deo gratum meo

Tua prece facito. Hic consisto, versu isto

Malchi carmen limito.

11. Alpha Deus initium,

AdminBookmark sit finis et praemium.