295. (9. De sancto Malcho.

1. Suo rhythmum hunc et hymnum

Dedicemus nomini, Ad honorem et amorem

Christi tamen Domini. Ut superno et aeterno

Assignemur lumini.

2. Illi detur et cantetur

Laus et honor ingiter,

Qui virtutis et salutis Dona praestat largiter.

Per quem tanta scripsi, quanta Malchus egit fortiter.

3. Plurimorum laudes, quorum Deus est laus, contuli,

Ad extremum verba demum In captivum appuli.

Vita cuius non est huius. Qui nunc vivit, populi.

4. Non peccabo, si aequabo Sanctis huius temporis

Malchi vitam, redimitam Omni luce decoris,

Ipsum cio corde pio. Ut sit memor memoris.

Est aequandus meritis. Quisquis amat Deum, clamat

Huius nomen militis Nec non fandae et amandae

Suae sacrae comitis.

6. Illum ferae servavere, Nam paganos ocius

Invaserunt et straverunt. Malchus stabat medias

Ista videns et confidens, Adhuc tamen dubias.

7. Cui bona inter dona

Tum per innocentiam

Spes manebat et gaudebat Tum per Dei gratiam,

Evadendi et vivendi Habebat fiduciam.

8. Quid terroris, quid amoris Corde suo fuerit, Cum servire et perire Suos hostes viderit, Se servatum et vitatum. Nullus sermo prompserit.

9. Quam virtutem et salutem Mentis suae puritas Illi dedit, sicut credit

Sensus nostri parvitas, Causa pravis leti gravis Exstitit malignitas.

10. Vera fide homicidae

Strangulati pereunt, Ibi stulti sunt sepulti

Nec ad sua redeunt Sic iniusti, sed mox iusti

De spelunca exeunt.

11. Unde rogo te et cogo, Nostri lector epodi,

Sero, mane mecum cane Monachum huiusmodi,

Retractemus et narremus Sui textum exodi.

12. Digno laude viro plaude, Mecum ede canticum,

Verba misce, mecum disce Carmen istud rhythmicum,

Lyram tange, mecum pange Melos panegyricum.

13. Aetas frequens et plebs sequens,

Universi posteri Docti fiant, vitam sciant

Huius nostri pueri, Nam benignus est et dignus

Menti purae inseri.

Collect. ms. Tegurinum saec. 12. Clm. Monacen. 18580. A.

Collect. ms. Roffense saec. 15. Cod. Oxonien. Laud. Miscell. 40. B.

4, 4 lue decaris A.

4, 5 Ipsum eio A.

In B ist das Lied so abweichend, dafs es angezeigt ist, seinen vollen Text hier folgen zu lassen:

1. Suo rhythmum hunc et hymnum Dedicemus nomini, Ad honorem et amorem Christi tamen Domini.

2. Per quem tanta, scripsi quanta, Malchus egit fortiter, Illi detur et cantetur Laus et honor pariter.

3. Ergo ille sanctus mille Sanctis vixit sanctius, Cui bona inter dona Datur hoc excelsius

4. Dei donum, quod leonum Dono sospes viveret, Cum saevire et perire Suos hostes viderit.

5. Quam virtutem et salutem Mentis dedit puritas, Mortem hostis, sicut nostis, Sua dat iniquitas.

6. Unde rogo te et cogo, Nostri lector epodi, Sero, mane mecum cane Monachum huiusmodi.

7. Digna laude mecum plaude, Mecum ede canticum, Illum laudo, illi plaudo Carmen edens rhythmicum.