Missus ad egregiam Gabriel tulit ista Mariam: Innuba semper, ave, flos pulcher olensque suave, Christum ventre feres, benedicta super mulieres, Solus erit salvus, tua quem salvaverit alvus. 5 Ex te nascetur, qui sceptra David moderetur, De fructu cuius spes germinis exiet huius, Nunc et in aeternum geret hic diadema paternum, Iesus erit dictus, super omnia rex benedictus. 0 felix fructus vertens in gaudia luctus,

10 0 germen sanctum, neque tale fuit neque tantum ! Talibus auditis reddit virguncula mitis: Quomodo concipiam vel mater quomodo fiam, Quae, sicut vovi, neque nosco virum neque novi? Corruptos artus sequitur conceptio partus;

15 Quae coitum nescit, venter suus unde tumescit? Virgine sic fata vox est divina relata: Progenies Iesse, Deus est qui sic iubet esse, Quique iubens esse facit esse iubendo necesse. Spiritus aeternus tibi, casta, favorque paternus

20 Intus obumbrabit ventremque tuum gravidabit, Filius ipse Dei, noctis sator atque diei, Rector caelorum, Deus et dominus dominoram, Naturae geminae, sine principio, sine fine, Ultimus et primus, longus, brevis, altus et imus,

25 Parvulus et magnus, magnus leo, parvulus agnus, Ex te mortalis, qualis pater, ex patre talis. Et tu, stella maris, miseris eris auxiliatrix, Spes peccatorum, regina beata polorum, In terris totis pia, sancta vocabere votis,

30 Iustitiae solis genetrix sine semine prolis. Neu dubitare velis exemplo facta fidelis, Helisabeth sterili datus est in ventre senili De marcente viro magnus puer ordine miro. Lacte tumens pectus iam discit habere senectus,

35 Pignore gaudet anus, gaudet quoque pignore canus. Partus cognatae minor est et discrepat a te; Iudex et praeco nec pondere penditur aequo. Sed tamen et similem servi probat actus herilem, Si sterilis gravis est, si virgo puerpera visa est.

40 Unam qui credit, non hunc res altera laedit. Hinc firmato fidem, duo mira Deus facit idem. Credula respondit: Qui per te tanta spopondit, Ut salvet mundum, mihi det tua verba secundum.