319. (2) In Nativitate Domini.

Salve, festa dies, toto venerabilis aevo,

Qua Deus illuxit, lux et imago Dei. Ecce, novae lucis oriuntur gaudia nobis,

Nox abit, orbis avet, mors peritura pavet. 5 Iam repetit sursum solaris lampada cursum,

Pax redit et requies; hoc docet aucta dies. Saecula iucundo redeunt Saturnia mundo,

Aurea regna vigent; desine, ferrea gens ! Omnia mirentur, stupeant, timeant, venerentur ! 10 Qui regit omne, quod est, fit caro, sed Deus est. Quod patriarcharum typicaverat umbra piorum,

Quod lex et vates clauserat, ecce, patet. Spina rosam, Iudaea Deum, nubecula solem

Et genuit iugem stella Maria diem. 15 Virga ferens florem cum fructu spirat odorem,

Flos Christus, caro nux, nucleus est deitas. Cui sine matre pater, cui patre manet sine mater,

Dixerat ut Gabriel, nascitur Emmanuel. Salve, porta Dei, via, virgo Maria, diei, 20 Per quam lux orbis fulsit ab arce patris.