Acta Apostolicae Sedis - Commentarium Officiale520

10. Stanislaus Garcı́a Obeso, sacerdos. Die 18 mensis Septembris anno 1875

in Requejo (Santanderiensis urbis) est ortus. Ministerium explevit praedica-

toris et confessarii atque prioris variis in conventibus. Matriti scholas condi-

dit gratuitas pro operariorum filiis atque conventum restauravit et basilicam

Dominae Nostrae in Atocha. Comprehensus est Oveti in revolutione mensis

Octobris anno 1934. Deinde, exorta persecutione, in carcerem oppidi Reinosa

est inclusus atque die 21 mensis Octobris anno 1936 in Montes de Saja est

interemptus.

11. Germanus Caballero Atienza, sacerdos. Die 11 mensis Octobris anno

1880 in Castromocho (Palentiae) est ortus. Edocuit in Corias et in La Coruña,

deinde vero in Americam Centralem est missus ubi plus quam viginti trans-

egit annos. In Hispaniam reversus, in oppido Reinosa in carcerem est inclu-

sus, deinde translatus est in Montes de Saja, ubi inter dies 21 et 22 mensis

Octobris anno 1936 est necatus.

12. Iosephus Menéndez Garcı́a, sacerdos. In Genestosa (Oveti) die 19 mensis

Februarii anno 1888 est natus. In Manacor, Corias et Oveti est commoratus.

In Montes de Saja inter dies 21 et 22 mensis Octobris anno 1936 est occisus.

13. Victorianus Ibáñez Alonso, cooperator. Die 2 mensis Novembris anno

1864 in Santibáñez de Resoba (Palentiae) est ortus. Plus quam viginti annos

munus sacristae in conventu El Olivar, Matriti, exercuit. In Montesclaros

reversus, persecutione exorta, in custodiam est inclusus et simul cum Servis

Dei Germano Caballero Atienza et Iosepho Menéndez Garcı́a martyrium su-

biit.

14. Eugenius Andrés Amo, cooperator. In Villavedón (Burgi) die 6 mensis

Septembris anno 1892 est natus. Officia adimplevit stipem emendicandi et

sacristae. Captus est et occisus a seditiosis militibus in oppido Sotillo die 5

mensis Octobris anno 1936.

Populus Dei omnes illos veluti veros fidei martyres putavit. Eiusmodi

opinio decursu annorum confirmabatur, qua de causa Episcopus Santande-

riensis inductus est ad Causam ineundam beatificationis seu declarationis

martyrii, Processum instruens Ordinarium annis 1963-1964. Cuius Processus

iuridica validitas a Congregatione de Causis Sanctorum per decretum diei 4

mensis Februarii anno 1994 est recognita. Parata Positione, de martyrio