Congregatio de Causis Sanctorum 535

SANCTI SALVATORIS IN BRASILIA

Beatificationis seu declarationis martyrii Servae Dei Lindalvae Justo De Oliveira e

Societate Filiarum a Caritate S. Vincentii De Paul (1953-1993)

DECRETUM SUPER MARTYRIO

« Ad Dominum pertinere idem est ac eius flagranti dilectione aestuari,

splendore Eius pulchritudinis transfigurari: parvitas nostra Illi offertur uti

sacrificium in odorem suavitatis, ut testimonium fiat magnitudinis praesen-

tiae Illius apud hodiernam societatem, quae divitiarum eius ebrietate pluri-

mum indiget » (Benedictus XVI, Allocutio ad Moderatores et Moderatrices

Generales Institutorum Vitae Consecratae et Societatum Vitae Apostolicae:

L'Osservatore Romano, diebus 22-23 mensis Maii anno 2006, p. 5).

Credibile praesentiae Christi testimonium nostra in aetate perhibuit Soror

Lindalva Justo de Oliveira, quae simpliciter, magnanimiter ac gaudenter

suam vixit Domino consecrationem, quem corde indiviso dilexit usque ad

proprium sanguinem pro Eo effundendum.

Haec Dei Serva die 20 mensis Octobris anno 1953 nata est in Brasiliensi

oppido vulgo Sitio Malhada da Areia, dioecesis Mossorensis, in Statu Rio

Grande do Norte. Parentes eius, Ioannes Justo da Fé et Maria Lucia de Oli-

veira, modesti erant operarii, qui omnes filios christianis moribus institue-

runt. Serva Dei baptismum recepit anno 1954 apud paroeciam loci Açu; et

anno 1965 primo eucharistico convivio est refecta. Puellula serena mitique

indole praedita, promptam et intentam se praebebat egenorum necessitati-

bus. Domi matrem adiuvabat libenterque pusillos curabat pueros, a vicinis

familiis sibi creditos. Elementaria expleta institutione, studia perrexit usque

ad diploma «Assistentiae Administrativae » assequendum. Inter annos 1978-

1988 opus sustinuit diversis in tabernis urbis Natal tamquam ministra vel

arcaria. Iugiter se protulit urbanam, benignam ac paratam ad proximum et

praesertim ad pauperes aegrotosque sublevandos. Cum post laborem domum

redibat, senes invisebat degentes in Instituto « Juvino Barreto ». Serotinis