Acta Apostolicae Sedis - Commentarium Officiale516

pastoralem, ubi fama sanctitatis claruit. Die 5 mensis Ianuarii anno 1893

Eblanae in Hibernia in Domino quievit.

Summus Pontifex Ioannes Paulus II, die 16 mensis Octobris anno 1988,

eum sollemniter beatificavit.

Canonizationis respectu, Causae Postulatio iudicio huius Congregationis

de Causis Sanctorum nuper assertam subiecit miram sanationem Rodulfi

Dormans, qui, dum septuagesimum tertium explebat aetatis annum, die 27

mensis Martii anno 1999, acribus ingravescentibusque abdominis molestiis

laborari coepit. In valetudinario oppidi Sittard in Nederlandia receptus, diag-

nosis ilei paralytici dicta est. Instanter chirurgicae abdominis sectioni com-

missus est, quae vero inflammationem ostendit appendicis intestini putridam

et ulcerosam una cum peritonitide ubique propagata. Medicus chirurgus sec-

tionem appendicis effecit et ablutionem alvei peritonaelis. Cum abdomen

vero nimis extensum esset, vulnus chirurgicae sectionis obsui non potuit ac

ventrem plagula plastica constravit.

Infirmus in loculamentum valetudinarii intensivis curationibus sepositum

translatus est, ubi insequentibus diebus infectio plurimas peritonaei requisi-

vit lotiones, cum vesicae puris suborerentur cum bile et faecibus commixti.

Varia aderant terebramina in intestino et multiplices adhaerentiae. Ob peri-

tonitidis persistentiam tamen condiciones aegroti instanter ruebant. Die 11

mensis Aprilis novae chirurgicae inspectioni intestini commissus est, quae

multas interaneas transforationes - quae extemplo vero subsutae sunt -

duos abscessus inter verticula intestini et ileum valde putrem aedemati-

busque confertum ostendit. Status abdominis eo gravis erat, ut chirurgicas

sectiones ultra dissuaderet. Medicus chirurgus de aegroti infausta prognosi

familiares admonuit eumque redanimare dehortatus est, si forte cor et san-

guis circulatio deficerent, cum casum omni spe iam orbatum putaret.

Quamvis antibioticis curis transfusionibusque infirmus commissus esset

ac cibus per viam parenteralem eidem suppeditaretur, condiciones abdominis

tamen semper in peius verterant et phlogosis pulmonum necnon incommoda

cardiaca secundaria apparere institerant. Ita res infirmi die 11 mensis Aprilis

se habebant.

Rodulfus interdum, qui vir magnae fidei erat, ad divinum auxilium con-

fugere coeperat per intercessionem Beati Caroli a Sancto Andrea, cuius de-

votus erat et reliquiam quoque secum tenebat. Etiam familiares eundem cum