Acta Apostolicae Sedis - Commentarium Officiale514

tegrationis causa, curationes dumtaxat ministrabantur. Interea Mariae Car-

melitidis parentes ambo, Sorores ab Assumptione Beatae Mariae Virginis

aliique complures inde ab anno 1995 opem divinam per intercessionem Bea-

tae Mariae Eugeniae a Iesu coeperant invocare. Quin immo infans Lutetiam

Parisiorum ad ipsius Beatae sepulcrum, nempe ad sanationis gratiam impe-

trandam, mense Aprili anno 1996, adducta est. Cum autem Maria Carmelitis

infantula recognitionis causa Hustoniam mense Martio anno 1997, ducta est,

medici animadverterunt neurologicas ac psychomotorias functiones, praeter

quamlibet artis provisionem, perquam favorabilem processum habuisse.

Quae omnia vero, cum in physica, tum in psychica regione, gradatim in

melius mutata sunt, licet postumis effectibus manentibus, quae ceterum,

gravis deformativae syndromes ratione habita, exigua ac levia iudicata sunt.

Qua de sanatione, quam divinitus patratam esse statim putatum est,

anno 2003 Curia Manilensis Inquisitionem dioecesanam instruxit, cuius vis

iuridica confirmata est ab hoc Dicasterio per decretum die 30 mensis Aprilis

anno 2004 latum. Eiusdem Dicasterii Consilium Medicorum, in sessione, quae

die 27 mensis Ianuarii anno 2005 facta est, haec quoad sanationis rationem

declaravit: «Decursus, pro ipsa innatae pathologiae gravitate, necopinato

favorabilis celerque evasit, facultatibus cum psychointellectivis, tum psycho-

motoriis in integrum restitutis, licet anatomicis incommodis permanentibus,

quae alias ingravescentis morbi iacturas secumferrent. Sanatio autem, nullo

gravi infirmanti postumo effectui obnoxia, perfecta eaque stabilis, ratione

habita redintegrationis potiorum neuro-psychicarum facultatum, de quibus

ne semel perditae essent timebatur, iudicanda est. Quo denique pacto resti-

tutae sint functiones psychomotorio seseque gerendi progressui conexae, id

quidem ex huiusce temporis artis cognitionibus explicari non potest ». Die

vero 14 mensis Februarii hoc anno 2006 habitus est Peculiaris Consultorum

Theologorum Congressus; subsequenti autem die 12 mensis Decembris, Exc.-

mo D. Laurentio Chiarinelli, Viterbiensi Antistite, Causae Ponente, Patrum

Cardinalium et Episcoporum Sessio Ordinaria gesta est. Et in utroque Coetu,

sive Consultorum sive Cardinalium et Episcoporum, posito dubio an de mi-

raculo divinitus patrato constaret, responsum affirmativum prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno