Acta Apostolicae Sedis - Commentarium Officiale522

saeviente insectatione in Ecclesiam in Hispania exorta per annos 1936-1939.

Solida fide confirmati, sanguine pretium persolverunt propter suam ad Deum

consecrationem ac cooptationem inter filios catholicae Ecclesiae. Mense Sep-

tembri anno 1936 marxistae molitores declaraverunt se promptos esse ad

libertatem aliquibus religiosis pro pecunia concedendam; sic enim nonnulli

iuvenes et novitii conventus « Las Avellanas » Francogalliam attingere potu-

erunt. Quamobrem die 7 mensis Octobris anno 1936 hi Servi Dei, simul cum

aliis sodalibus, coacti sunt navem conscendere ut patriam relinquere possent

ac sese liberarent. Cito tamen intellexerunt de insidiis agi; sequenti die coacti

sunt descendere et in carcerem sunt coniecti. Nocte inter diem 8 et 9 mensis

Octobris ad supplicium ducti sunt. Quamvis morti essent proximi, nullum

ostenderunt mutatae voluntatis signum: alii expressis verbis se promptos

praebuerunt ad martyrium subeundum, alii suos fratres confirmaverunt;

omnes fiduciose voluntati Dei adhaeserunt, cui servierunt, quemque, prius-

quam occisi erant, precibus sunt deprecati, spem habentes in aeterna beati-

tudine Eum assequendi.

Isti sunt:

1. Laurentinus (in saec.: Marianus Alonso Fuente). In loco Castrecı́as (in

provincia Burgensi) die 21 mensis Novembris anno 1881 est ortus. Anno 1903

perpetua vota nuncupavit. Professor eminuit paedagogicis dotibus, atque

moderator exstitit scholarum Carthaginis in Hispania et Burgi, visitator et

provincialis. Diligens se gessit suis in muneribus adimplendis. Sodales susti-

nuit a primis persecutionis indiciis et, etiamsi facere poterat, Hispaniam

relinquere noluit. Paulo ante martyrium, eos est adhortatus dicens: « Fratres,

vos in caelo conveniam ».

2. Vergilius (in saec.: Trypho Lacunza Unzu). In Ciriza (in provincia Na-

varrae) die 3 mensis Iulii anno 1891 est natus. Anno 1912 perpetuam emisit

professionem. Magistri exercuit munus atque ab anno 1925 moderator fuit

communitatis Burgensis. Quaedam promovit incepta paedagogica atque

compluria pia sodalicia. Potissimum in liberandis iuvenibus et novitiis con-

ventus « Las Avellanas » gessit munus.

3. Albertus Maria (in saec.: Nestor Vivar Valdivielso), 26 annos natus.

4. Angelus Andreas (in saec.: Lucius Izquierdo López), 37 annos natus.