Acta Apostolicae Sedis - Commentarium Officiale536

horis operam dabat Sacris Scripturis legendis citharaeque canendae. Inter

amicas saepe de Deo loquebatur easque hortabatur ad ecclesiam frequentan-

dam ibique precandum.

Paulatim nutrire coepit consilium se Deo vovendi ut pauperum servitio

ob amorem erga Christum totam se daret. Saepe partes habuit consessuum ad

vocationes provehendas, qui parabantur pro iuvenibus candidatis ad vitam

consecratam. Die 13 mensis Septembris anno 1987 ad Moderatricem Provin-

cialem petitionem misit ut inter filias Sancti Vincentii de Paul excipi posset.

Die 28 mensis Novembris eiusdem anni sacro confirmationis chrismate est

uncta, et die 11 mensis Februarii anno 1988 Cautensi in urbe uti postulans

formationem iniit, firmitatem ostendens in vocatione et laetitiam ob illam

optionem. Novitiatu vix inito, ad quandam amicam scribebat: « Laetam me

sentio eo quod Deus vocavit me... Immensum est gaudium; exprimere nequeo

omnia quae nunc experior, scilicet, quam mirum sit Deum persentire prae-

sentem in singulis instantibus vitae meae... Cogitationes meae et desiderium

Deum super omnia diligendi faciunt ut laetam me sentiam ».

Sanctitatem affectabat, ad cuius finem assequendum accurate ac generose

cotidiana exsequebatur officia, atque intentam ducebat precationis vitam.

Formationis periodo expleta, missa est in Institutum vulgo «Abrigo Dom

Pedro II » quod est Soteropoli, Status v. Bahı́a, ut opus exerceret in aulaeo

quo quadraginta viri aetate provecti, praesertim pauperes et a propriis fami-

liis derelicti excipiebantur. In hoc novum vitae genus simpliciter ac ferventer

se immisit. In concordia vitam gessit cum suis consororibus, cum laicis ope-

rariis illius hospitii et cum singulis auxiliatis, quos sedulitate et caritate

curavit, illis tamquam Christo Ipsi inserviens. Libenter rudiora opera exse-

quebatur, et diversa excogitabat incepta quo senum vitam magis serenam

Deoque viciniorem redderet. Peculiari sollicitudine infirmos prosequebatur.

Ubique bonitatem effundebat, benevolentiam, gaudium, humilitatem ac iu-

gem servitii spiritum, omnium aestimationem affectionemque sibi compa-

rans. Propriam vocationem diligebat et missionem sibi creditam. Christi ca-

ritate compulsa, misericordiae opera immo extra hospitium exercebat.

Fervor eius pro Dei Regno valida spirituali vita nutriebatur. Fides, caritas

et spes transfundebantur ex verbis et operibus eius. Prudenter ac firmiter egit