Acta Apostolicae Sedis - Commentarium Officiale518

SANTANDERIENSIS

Beatificationis seu declarationis martyrii Servorum Dei Henrici Izquierdo Palacios

et XIII Sociorum ex Ordine Fratrum Praedicatorum († 1936)

DECRETUM SUPER MIRACULO

« Qui invenerit animam suam, perdet illam; et, qui perdiderit animam

suam propter me, inveniet eam » (Mt 10, 39).

Servi Dei Henricus Izquierdo Palacios et 13 Socii ex Ordine Fratrum

Praedicatorum totaliter Christo se donaverunt eique summam dederunt

testificationem sui amoris, ob Illius causam vitam perdentes, conscii se hac

via thesaurum inaestimabile Regni Caelorum consecuturos. Etenim, contra

Ecclesiam insectatione in Hispania annis 1936-1939 exorta, serene et patien-

ter provocationes sustinuerunt et contumelias, quin ullum animum adversum

neque aliquam formam indignationis erga carnifices ostenderint.

Prae instantibus etiam minis non vacillaverunt fortes manentes in fide,

atque sanguinis effusione testificati sunt propriam erga Divinum Redempto-

rem fidelitatem nec non cum Romano Pontifice unionis vinculum.

Isti sunt:

A) Novem sodales communitatis loci Las Caldas de Besaya (Santanderien-

sis urbis). Exorta persecutione, etiamsi in tutum locum confugere poterant,

maluerunt non relinquere suam communitatem sed munia sui status propria

exsequi. Die 22 mensis Decembris anno 1936 in custodiam sunt inclusi, post-

quam exercitationes spiritales prioribus diebus celebraverant. Sequenti nocte

aquis sinus Santanderiensis sunt submersi.

1. Henricus Izquierdo Palacios, sacerdos. Oveti die 19 mensis Februarii

anno 1890 est natus. Anno 1909 sollemnia nuncupavit vota atque anno

1914 sacerdotalem accepit ordinationem. Litteras edocuit et mathematicam

in conventibus Corias, Las Caldas de Besaya et Navelgas. Tempore martyrii

moderator erat communitatis et rector scholae pro candidatis ad vitam con-

secratam.