Congregatio de Causis Sanctorum 511

Postulatio Causae examini huius Congregationis de Causis Sanctorum

nuper assertam subiecit miram sanationem, quae respiciebat infantem quem

domina Ursula Markowska, commorans in Polonia urbe vulgo Ełk, in ventre

gestabat. Eadem domina anno 2000 primam habuerat gestationem, quae

abortu spontaneo conclusa erat. Mense Februario sequentis anni novam in-

cepit gestationem, quae die 22 mensis Martii parum abfuit quin abortu quo-

que concluderetur. Hac de causa excepta est in valetudinarium, ubi peractae

sunt tres echographiae, ex quibus novissima, facta die 30 mensis Martii,

palam ostendit vitalitatem fetus et normalem regionis gestationalis statum.

Eodem die dimissa est; attamen die 1 mensis Aprilis ob accedentes dolores

abdominales, iterum in valetudinarium redire coacta est. Ex examinibus

echographicis detectum est fetum esse pulsationibus cordis privatum, quam-

obrem edicta est diagnosis « abortus interni ». Regio insuper gestationalis

magis exigua videbatur quatenus ad mensuram primis diebus habitam. In-

terea inde a die 28 mensis Martii, aliquot familiares dominae Ursulae aliaeque

personae divinum auxilium per intercessionem Servi Dei Stanislai a Iesu

Maria invocare coeperant ad prosperum obtinendum exitum. Die 4 mensis

Aprilis ulterior echographia ex inopinato ostendit fetum pulsationes cordis

recuperavisse. Hic eventus statim iudicatus est extra naturae vires evenisse.

Die 7 mensis Octobris infans vivus et vitalis natus est.

De casu, qui mirus aestimatus est, annis 2003-2004 apud Curiam Licca-

nensem instructa est Inquisitio dioecesana, cuius iuridicam validitatem ap-

probavit hoc Dicasterium per decretum die 7 mensis Maii anno 2004 vulga-

tum. Medicorum Congregationis Consilium, in sessione diei 12 mensis Maii

anno 2005, edixit ex scientiae legibus explicari non posse inexspectatam

resumptionem gestationis post spontaneam intermissionem per abortum in-

ternum, echographicis documentis comprobatum, cui accessit evolutio versus

naturalem partus conclusionem, absque sequelis negativis in fetu. Die 20

mensis Septembris eiusdem anni habitus est Congressus Peculiaris Consulto-

rum Theologorum, et die 2 mensis Maii anno 2006 acta est Sessio Ordinaria

Patrum Cardinalium et Episcoporum, Ponente Causae Exc.mo D.no Lino

Fumagalli, Episcopo Sabinensi-Mandelensi. Deinde die 3 mensis Octobris

subsequentis altera Sessio Ordinaria celebrata est. Et in utroque Coetu, sive

Consultorum sive Cardinalium et Episcoporum, posito dubio an de miraculo

divinitus patrato constaret, responsum affirmativum prolatum est.