Congregatio de Causis Sanctorum 533

hodie in Tubaraoënsi, in Civitate Sanctae Catharinae. A parentibus, Henrico

Berkenbrock et Iosepha Boeing, fervidis catholicis e familiis Germanicis

oriundis, praecipuas fidei didicit veritates, et orare, ecclesiam frequentare

atque divina praecepta servare. Peculiarem nutrivit devotionem erga Virgi-

nem et Sanctum Aloisium Gonzaga. Domi Rosarium cum familiaribus reci-

tabat et cotidianas preces. Cum diligentia et gaudio ad primam se paravit

eucharisticam Communionem quam die 16 mensis Augusti anno 1928 accepit,

quem diem variis in anniversariis veluti felicissimum omnium memorabit.

Anno 1925 sacramento Chrismatis est uncta.

Testante eius matre scimus Servam Dei « perquam oboedientem fuisse,

mitem et piam... Domi semper plurimum sine murmuratione cooperabatur;

indolem habuisse quietam, timidam. Placebat illi pupis ludere... ab omnibus

coaetaneis suis sociis amabatur; numquam vindictae indulgebat... Valde sim-

plex exstitit, in vestitu modesta, mansueta... Numquam ex ore eius verbum

haud urbanum audivi... Communicabat cum amicis panem quem in scholam

afferebat ». Omnes alii, qui eam ipsam cognoverant, easdem fere res referunt.

Ad eius formationem, praeter familiam, multum contulit magister scholae

elementariae qui eam non solum legere et scribere docuit sed etiam cate-

chismum, atque ad primam Communionem eam paravit. Hic catechismi ma-

gister dixit Albertinam « bene catechismum intellegisse atque perfecte sextum

Decalogi praeceptum cognovisse ». Pie Missam participabat atque ad sacra-

mentum Reconciliationis accedebat quoties sacerdos eius in pagum ad Mis-

sam celebrandam adveniebat.

Serva Dei serene igitur in aetate gratiaque crescebat, humiliter vivens et

officia sua erga Deum, parentes, fratres et sorores atque proximum simplici-

ter servans.

Die 15 mensis Iunii anno 1931, circa horam quartam post meridiem,

Albertina animalia, ex familiae proprietate, pascebat; tunc pater iussit eam

ut bovem quaereret, qui paulum a loco digressus erat. Dum hoc mandatum

exsequebatur, improviso incidit iuveni cuidam aetatis 33 annos quem Serva

Dei bene noverat, quoniam saepe cum eius ludebat filiis. Ille falsam causam

inducens eam ad locum comitandi ubi dicebat animal inveniri, in silvam

puellam attulit ibique eam stuprare intendit. Serva Dei omnibus suis obstitit

viribus. Dissuadere curavit semel atque iterum suo aggressori ut istud pec-

catum nollet committere; aliter de eiusmodi agendi modo patri suo narraret.

Tunc iuvenis, invictam sentiens puellae recusationem, iugulavit eam, quae

statim mortem obivit. Ita Albertina, intactam ob virginitatem, martyrii