Acta Apostolicae Sedis - Commentarium Officiale530

runt. Tres annos natus familiam in Villa de Gijón est secutus, et deinde in

Tornón, ubi scholas frequentavit elementarias atque primam accepit Commu-

nionem. In Mieres, in Asturia, alumnus exstitit exemplaris Fratrum Schola-

rum Christianarum. Suam penitius duxit pietatis vitam et eucharisticam

marianamque devotionem, atque consilium se Deo in Ordine Carmelitarum

Discalceatorum consecrandi maturavit. Etenim anno 1912 studia iniit in

eorum collegio in Villafranca Navarrae. Studiis humanisticis expletis, anno

1916 in novitiatum eiusdem Ordinis est ingressus. Professionem emisit sim-

plicem anno 1916 et sollemnem anno 1922; die 23 mensis Septembris eiusdem

anni Santanderiensi in urbe ordine presbyteratus est insignitus. Munus acce-

pit docendi philosophiam et theologiam sui Ordinis alumnos. Anno 1926

professor in Poloniam est missus. In Hispaniam anno 1928 reversus, iterum

alumnos docuit novae Provinciae religiosae Sancti Ioannis a Cruce atque

eorum nominatus est magister et duorum commentariorum moderator.

Prior electus communitatis Ovetensis, officium suum mense Maio anni

1933 iniit. Omnibus voluit exemplar esse suis in muneribus adimplendis at-

que in virtutibus exercitandis. A confratribus aestimabatur atque a populo

ob vitae sanctitatem zelumque quo apostolatum pro iuvenibus exercebat,

aegrotis et pauperibus. Quaerebatur uti confessarius, praedicator et spiritalis

moderator nec non uti vir prudens, sapiens, humilis et austerus, mitis et

misericors. Verus Dei homo, semper Domini gloriam quaesivit animarumque

salutem. Suam cum Christo communionem suamque pastoralem navitatem

Dei verbi meditatione aluit, fervida Missae celebratione, Horarum Liturgia

diversisque pietatis exercitationibus, per Regulae et consiliorum Evangelico-

rum observantiam, per discessionem a mundi vanitatibus nec non constans

desiderium voluntatis Dei simplicitate et generositate in diversis vitae

adiunctis implendae. Prioris exercuit munus amabiliter, paterne, cum carita-

te, ad bonum adhortans atque vitia corrigens suae religiosae communitatis,

quae anno 1934 visitationem habuit canonicam Definitoris generalis qui de-

ploravit Servi Dei indulgentiam. Tanta revera prudentia atque caritate vi-

tam gerebat ut iam nunc sanctitatis fama frueretur, cui paulo post martyrii

quoque fama est addita. Servus Dei, revera, ad supremum vocatus est testi-

monium fidei et caritatis per effusionem proprii sanguinis praebendum. Ita

res verterunt.