Congregatio de Causis Sanctorum 517

perseverantia ac fiducia rogabant Beatum. Et contra omnem rerum pruden-

tiam, die 12 mensis Aprilis infirmus ab agonia sua discessit et cito usque ad

completam sanationem eo flexit, ut die 14 mensis Iulii anno 1999 e valetu-

dinario dimitteretur.

De hoc miro aestimato casu annis 2003-2004 apud Curiam Ruremunden-

sem Inquisitio dioecesana celebrata est, cuius auctoritas et vis iuridica a

Congregatione de Causis Sanctorum decreto diei 7 mensis Novembris anno

2005 probatae sunt. Dicasterii Consilium Medicorum in sessione diei 24 men-

sis Novembris eiusdem anni exitum status agonici necnon conspectus clinici

generalis improvisum et repentinum fuisse, faustam evolutionem perdifficilis

pathologiae abdominalis atque completam, duraturam, sine effectis posterio-

ribus et inexplicabilem secundum scientiam sanationem affirmavit. Die 21

mensis Februarii huius anni 2006 Congressus Peculiaris Consultorum Theo-

logorum factus est et die 12 mensis Decembris Sessio Ordinaria Patrum

Cardinalium et Episcoporum, Ponente Causae Exc.mo Domino Hieronymo

Grillo, Episcopo Centumcellarum-Tarquiniensi. Et in utroque Coetu, sive

Consultorum sive Cardinalium et Episcoporum, posito dubio an de miraculo

divinitus patrato constaret, responsum affirmativum prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Beati

Caroli a Sancto Andrea (in saec.: Ioannis Andreae Houben), Sacerdotis Professi

Congregationis Passionis D. N. I. C., videlicet de improvisa, completa ac dura-

tura sanatione Rodulfi Dormans ab « appendicite gangrenosa perforata con pe-

ritonite generalizzata e compromissione multiorganica in paziente di 73 anni,

con stato settico prolungato e stato agonico ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 16 mensis Decembris A. D. 2006.

Iosephus card. Saraiva Martins

Praefectus

L. e S. e Eduardus Nowak

archiep. tit. Lunensis, a Secretis