Congregatio de Causis Sanctorum 541

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 16 mensis Decembris A. D. 2006.

Iosephus card. Saraiva Martins

Praefectus

L. e S. e Eduardus Nowak

archiep. tit. Lunensis, a Secretis

GERUNDENSIS

Beatificationis seu declarationis martyrii Servarum Dei Mariae a Monte Carmelo

necnon Rosae et Magdalenae Fradera Ferragutcasas Sororum professarum Con-

gregationis Filiarum SS.mi et Immaculati Cordis Mariae († 1936)

DECRETUM SUPER MARTYRIO

« In omnibus tribulationem patimur, sed non angustiamur; aporiamur,

sed non destituimur; persecutionem patimur, sed non derelinquimur; deici-

mur, sed non perimus: semper mortificationem Iesu in corpore circumferen-

tes, ut et vita Iesu in corpore nostro manifestetur » (2 Cor 4, 8-10).

Iam inde a primordiis christianae conversationis, discipuli Divini Magistri

persecutiones passi sunt, quae vero ex eorum cordibus nullomodo fidem eri-

pere valuerunt. Plurimi enim fideles Christum confessi sunt usque ad effusio-

nem sanguinis et sic pro universo populo Dei signum spei facti sunt (cfr.

Ioannes Paulus II, Adh. Apost. Ecclesia in Europa, n. 13). Hos inter testes

Evangelii tres adnumerandae sunt sorores Maria a Monte Carmelo, Rosa et

Magdalena Fradera Ferragutcasas e Congregatione Filiarum Sacratissimi et

Immaculati Cordis Mariae.

Quae, mense Iulio anni 1936, persecutione erga Ecclesiam in Hispania

furente, conventus suos dereliquerunt ac domum paternam in vico Riudare-

nas confugerunt. In oratione vim animumque pro tanta tribulatione subeun-

da necnon medium pro Domino intimius iugiter colendo invenerunt; prae-

terea familiam in agris adiuvabant. Nocte vero inter 27 et 28 mensis

Septembris eodem anno, militiani quidam, odio Christi fidei summoti, in