Acta Apostolicae Sedis - Commentarium Officiale526

CARTHAGINENSIS IN HISPANIA

Beatificationis seu declarationis martyrii Servorum Dei Ovidii Bertrandi, Herme-

negildi Laurentii, Luciani Pauli, Stanislai Victoris et Laurentii Iacobi sodalium ex

Instituto Fratrum Scholarum Christianarum necnon Iosephi Mariae Cánovas Mar-

tı́nez Sacerdotis dioecesani († 1936)

DECRETUM SUPER MARTYRIO

« Eritis odio omnibus propter nomen meum. Qui autem sustinuerit in

finem, hic salvus erit » (Mc 13, 13).

Divinum Magistrum in via Crucis persequi vocati, ob hoc ipsum discipuli

saepe negleguntur vel etiam exagitantur: ipsi vero suam erga Christum di-

lectionem suamque in Ecclesiam fidelitatem aliquando sanguinis effusione

luerunt. Inter optimos hos Divini Martyris asseclas profecto adnumerandi

sunt quinque Fratres Scholarum Christianarum necnon Iosephus Maria Cá-

novas Martı́nez sacerdos.

A. Christianarum Scholarum Fratres quinque egregii religiosi viri erant,

qui peritia et caritate pueris educandis instituendisque in Ilorcensi Iosephia-

no ephebeo, in dioecesi Carthaginiensi in Hispania, se dabant. Quorum qui-

dem haec nomina et vitae:

1. Ovidius Bertrandus (in saec.: Stephanus Anuncibay Letona), qui natus

est die 26 mensis Decembris anno 1892 in pago, quem appellant Mijancas, in

dioecesi Victoriensi. Anno 1908 in novitiatum Fratrum Scholarum Christia-

narum receptus, sacra priora vota anno 1912, perpetua autem anno 1921

nuncupavit. Ipse, postquam in nonnullis sui Instituti ephebeis munus prae-

cipientis exercuit, anno 1935 in Ilorcense Iosephianum collegium missus est.

Praeclarus hic Famulus Dei sui officii exercendi peritia singularique benigni-

tate laudabatur.

2. Hermenegildus Laurentius (in saec.: Modestus Sáez Manzanares), qui

natus est die 30 mensis Iulii anno 1903, in pago v. d. Revilla del Campo, intra

fines dioecesis Burgensis. Anno 1916 Fratrum Scholarum Christianarum no-

vitiatum ingressus, temporariam ipse professionem anno 1921, sollemnem