Acta Apostolicae Sedis - Commentarium Officiale528

fidei compulsi, in Iosephianum ephebeum irruperunt religiososque viros, a

quibus benigne accepti erant, vexatos comprehenderunt. Die 3 mensis Augus-

ti captus est etiam Famulus Dei Iosephus Maria Cánovas Martı́nez, qui ob

ministerium, quod ipse ferventer ac fructuose exercebat, maximo illis odio

erat. Servi quidem Dei omnes, in iudicium vocati, quovis crimine liberati

sunt; attamen seditionarii eos dimittere renuerunt. Testes autem Christi,

pro imminenti discrimine constituti, imperterriti semet ad martyrium sub-

eundum promptos exhibuerunt, qui mensibus in custodia exactis plurima

aequi constantisque animi experimenta dederunt: ipsi enim assidue orare,

captivis aliis solacium afferre, datam persecutoribus veniam patefacere, sa-

cris denique, a Famulo Dei Iosepho Maria Cánovas Martı́nez furtim peractis,

quotiescumque licuerat, interesse. Matutino tandem tempore diei 18 mensis

Novembris anno 1936 ad locum caedis adducti, glandibus metallicis perfossi

in puteum deiecti sunt. Ipsi vero antequam enecarentur Christum Regem

laude celebrarunt.

Quos omnes cum populus Dei pro martyribus fidei haberet, cumque

eiusmodi opinio labentibus annis increbresceret, Episcopus Carthaginien-

sis in Hispania animum induxit ut Causae beatificationis seu declarationis

martyrii initium faceret per Processum Ordinarium, qui annis 1958-1959

conditus est. Cuius Processus validitatem iuridicam haec Congregatio de

Causis Sanctorum ratam habuit per decretum die 29 mensis Maii anno

1992 latum. Positione confecta, disceptatum est de more super adserto

praefatorum Servorum Dei martyrio. Die vero 25 mensis Februarii anno

2006 habitus est, felici quidem cum exitu, Congressus Peculiaris Consulto-

rum Theologorum. Cardinales denique Patres et Episcopi, in Sessione Or-

dinaria die 14 mensis Novembris, hoc anno, celebrata, audita relatione

Exc.mi D.ni Hieronymi Grillo, Centumcellarum-Tarquiniensis Episcopi,

Causae Ponentis, professi sunt praedictos Servos Dei, ob suam erga Chris-

tum fidelitatem interfectos esse.

De hisce omnibus rebus, referente subscripto Cardinali Praefecto, certior

factus, Summus Pontifex Benedictus XVI, vota Congregationis de Causis

Sanctorum excipiens rataque habens, hodierno die declaravit: Constare de

martyrio eiusque causa Servorum Dei Ovidii Bertrandi, Hermenegildi Laurentii,

Luciani Pauli, Stanislai Victoris et Laurentii Iacobi, Sodalium ex Instituto