Congregatio de Causis Sanctorum 531

Inter dies 5 et 12 mensis Octobris anno 1934 Hispania, violentis agitatio-

nibus politicis iam vexata, per furentem in Ecclesiam insectationem sanguine

est respersa. Diversae sunt sacrae aedes deletae atque plus quam 30 sacerdo-

tes et religiosi necati. Ad hoc testium agmen etiam pater Euphrasius a Iesu

Infante pertinet, qui illo tempore prior erat communitatis Carmelitanae Ove-

tensis. Die 6 mensis Octobris, rationem habens de adventante periculo, Ser-

vus Dei conventuale capitulum protinus convocavit, quod solvere decrevit

communitatem, ut unusquisque ad familias amicorum fugiens, a periculo se

eriperet. Servus Dei murum transiliens hortus conventus, ex altitudine quat-

tuor circiter metrorum delapsus est atque luxaturam ad latum dexterum

subiit quin se levare posset. Statim in proximam domum exceptus est, deinde

vero, ipsemet rogans, in valetudinarium et quidem sub falso nomine. Sed

veluti sacerdos est recognitus, quia scapulare induebat Beatae Mariae Virgi-

nis de Monte Carmelo. Tunc aperte veram suam identitatem est confessus.

Paulo ante sectionem chirurgicam, nationis eversores attulerunt eum ut ma-

nuballista interficerent eum, tantummodo quia sacerdos erat Ecclesiae Ca-

tholicae. Contumelias et vexationes silentio accepit. Dum ad occisionis locum

pervenit, nullum contrarietatis signum exhibuit. Se ad suos vertens carnifi-

ces, simpliciter dixit: « Veniam do vobis, filii mei », deinde ter exclamavit:

« Vivat Christus Rex ». Tunc in odium fidei est occisus.

Statim martyr habitus est et eiusmodi fama annorum decursu perrexit;

quamobrem Archiepiscopus Ovetensis Causam inchoavit beatificationis seu

declarationis martyrii Inquisitionem celebrans dioecesanam (annis 1992-

1994), cuius iuridica validitas a Congregatione de Causis Sanctorum per de-

cretum diei 16 mensis Decembris anno 1994 est recognita. Parata Positione,

disceptatum est, ad normam, num Servi Dei mors verum fuerit martyrium.

Positivo cum exitu, die 25 mensis Februarii anno 2005 habitus est Congressus

Peculiaris Consultorum Theologorum. Patres Cardinales et Episcopi in Ses-

sione Ordinaria diei 14 mensis Novembris huius anni 2006, Ponente Causa

Exc.mo D.no Lino Fumagalli, Episcopo Sabinensi-Mandelensi, agnoverunt

Patrem Euphrasium a Iesu Infante suam dedisse vitam ad suam fidelitatem

erga Christum et Ecclesiam testificandam.

De hisce omnibus rebus, referente subscripto Cardinali Praefecto, certior

factus, Summus Pontifex Benedictus XVI, vota Congregationis de Causis

Sanctorum excipiens rataque habens, hodierno die declaravit: Constare de