Congregatio de Causis Sanctorum 537

in sumendis decisionibus, fortis exstitit in obeundis tribulationibus et diffi-

cultatibus, misericors erga suos offensores, mortificata, casta, temperans,

pauper, suis superioribus oboediens. Singulis diebus eucharisticum sacrifi-

cium fructuose participabat, Christi corpore se reficiebat, Sanctissimum Al-

taris Sacramentum adorabat, filialem excolebat devotionem erga Virginem

Mariam, quam assidua honestabat Rosarii recitatione.

Domini vias serene percurrebat, dum instabat hora supremi sacrificii.

Etenim, auxiliatus quidam Servam Dei prave concupivit, quae, fidelis suae

consecrationi, quodlibet voluptatis signum illius viri firmiter respuit et pru-

denter egit, de re rationem reddens suis superioribus, a quibus supplicationes

expetivit. Vir ille, reiectum se sentiens, propositum molitus est Sororem oc-

cidendi, quae interea diebus Hebdomadae Sanctae anno 1993 quoddam pie-

tatis munus exsequebatur. Cotidie mane participabat pium exercitium Viae

Crucis apud paroeciam Dominae Nostrae a Bono Itinere. Die 9 mensis Apri-

lis, Feria VI in Passione Domini, statim ut ex ecclesia in Institutum «Abrigo »

est regressa, perrexit ad ientaculum senibus offerendum. Tunc ille vir ne-

quam quadragies quatter pugione letaliter percussit Servam Dei, quae divi-

num implorans auxilium, aeternum assecuta est praemium.

Mors eius ilico verum habita est martyrium, quamobrem Archiepiscopus

Sancti Salvatoris in Brasilia Causam iniit beatificationis seu declarationis

martyrii, instruens Inquisitionem dioecesanam annis 2000-2001. Iuridicam

huius Inquisitionis validitatem haec Congregatio rite recognovit die 22 men-

sis Iunii anno 2001. Exarata Positione, disceptatum est, ut de more, num

mors Servae Dei verum fuerit martyrium. Die 26 mensis Septembris anno

2006 actus est Congressus Peculiaris Consultorum Theologorum positivo qui-

dem cum exitu. Die 21 sequentis mensis Novembris, Patres Cardinales et

Episcopi in Sessione Ordinaria congregati, Ponente Causae Exc.mo D.no

Ottorino Petro Alberti, Archiepiscopo emerito Calaritano, edixerunt Sororem

Lindalvam, testimonium perhibentem fidelitatis suae erga Christum, vitam

immolavisse.

De hisce omnibus rebus, referente subscripto Cardinali Praefecto, certior

factus, Summus Pontifex Benedictus XVI, vota Congregationis de Causis

Sanctorum excipiens rataque habens, hodierno die declaravit: Constare de