Acta Apostolicae Sedis - Commentarium Officiale538

martyrio eiusque causa Servae Dei Lindalvae Justo de Oliveira, e Societate

Filiarum a Caritate S. Vincentii de Paul, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 16 mensis Decembris A.D. 2006.

Iosephus card. Saraiva Martins

Praefectus

L. e S. e Eduardus Nowak

archiep. tit. Lunensis, a Secretis

VESTPHALENIANA

Beatificationis seu declarationis martyrii Servorum Dei Emmanuelis Gómez Gon-

zález Sacerdotis dioecesani et Adilii Daronch Christifidelis laici († 1924)

DECRETUM SUPER MARTYRIO

« Qui credit in eo, non confundetur » (Rm 9, 3).

Donum fidei, in baptismatis sacramento collatum, accurate custodierunt

et testificati sunt presbyter Emmanuel Gómez González et iuvenis Adilius

Daronch, qui « radicati et superaedificati » (Col 2, 7) in Domino Iesu Christo,

inter res adversas et pericula, Ecclesiae servierunt fidelitatem Deo servantes,

usque ad sanguinis effusionem.

Presbyter Emmanuel Gómez González in oppido San José de Ribarteme,

intra dioecesim Tudensem-Vicensem, in Hispania, die 29 mensis Maii anno

1877 natus est a Iosepho Gómez Rodrı́guez et Iosepha González Durán, qui

tam ob civiles quam ob religiosas virtutes aestimatione fruebantur. Sacerdo-

tium affectans, tamquam alumnus externus studia iniit apud Seminarium

dioecesanum Tudense. Studiorum curriculo expleto, die 24 mensis Maii anno

1902 sacro presbyteratus ordine est auctus. Vicarius cooperator exstitit in

paroecia loci As Neves; attamen anno 1905, debitis licentiis, incardinatus est

vicinae archidioecesi Bracarensi, in Lusitania. Sacrum explicavit ministerium