Acta Apostolicae Sedis - Commentarium Officiale540

Nec deerant occisiones et violentiae persecutionisque actus adversus tenuio-

res. Aliquot mensibus ante iter Servorum Dei, cruenta cessabat luctatio inter

oppositas factiones, quo tempore presbyter mortuos eversionis causa sepe-

liendos curabat. Postquam presbyter Emmanuel eiusque socius longa percur-

rerant spatia ac saepe ob pastorale ministerium in itinere se steterant, mane

diei 21 mensis Maii anno 1924, apud deversorium loci Feijão Miúdo notitias

petierunt quanam via aptior esset ut pagum Três Passos, metam scilicet

itineris, attingerent. Illic enim quosdam invenerunt milites, qui, simulantes

comitatem et sollicitudinem, promptos se praebuerunt ad illos comitandos

usque ad memoratum pagum; attamen, odio flagrantes adversus Ecclesiam

eiusque sacerdotes, aliud propositum ordiebantur, nempe interimendi in iti-

nere duos Servos Dei, qui nihil mali suspicabantur. Post mediam circiter

horam, e silva strepitus quidam ictus ignivomae manuballistae diffusus est.

Servi Dei necati erant. Eorum cadavera, de arbore suspensa, duos post dies

sunt reperta. Signa illatae atrocitatis palam ostendebantur. Corpora sepulta

sunt in coemeterio pagi Três Passos.

Inter gentes loci fama martyrii et cultus erga hos duos fidei testes diffundi

coepti sunt. Episcopus Vestphalenianus Causam beatificationis seu declara-

tionis martyrii inchoavit, instruens Inquisitionem dioecesanam annis 1996-

1997, cuius iuridicam validitatem haec Congregatio approbavit per decretum

die 4 mensis Decembris anno 1998 vulgatum. Exarata Positione, die 13 men-

sis Februarii anno 2001 habita est sessio Consultorum Historicorum. Deinde

disceptatio facta est num mors duorum Servorum Dei verum fuerit marty-

rium. Die 26 mensis Septembris huius anni 2006 actus est, positivo cum

exitu, Congressus Peculiaris Consultorum Theologorum. Die 21 sequentis

mensis Novembris Patres Cardinales et Episcopi, in Sessione Ordinaria con-

gregati, Ponente Causae Exc.mo D.no Angelo Comastri, Archipresbytero

Basilicae Vaticanae, agnoverunt Servos Dei, quos iam diximus, in odium fidei

interemptos esse.

De hisce omnibus rebus, referente subscripto Cardinali Praefecto, certior

factus, Summus Pontifex Benedictus XVI, vota Congregationis de Causis

Sanctorum excipiens rataque habens, hodierno die declaravit: Constare de

martyrio eiusque causa Servorum Dei Emmanuelis Gómez González, Sacerdotis

dioecesani, et Adilii Daronch, Christifidelis laici, in casu et ad effectum de quo

agitur.