Acta Apostolicae Sedis - Commentarium Officiale542

earum domum irruperunt easque deprehenderunt. Tum Servae Dei, iam sui

fati consciae, sese exhortatae sunt, actum paenitentialem exoraverunt fami-

liaresque salutaverunt, se martyrio pro amore Iesu Christi amplectendo, pa-

ratas dicentes et de caelo semper pro iisdem intercessuras profitentes. Mili-

tiani denique eas excruciaverunt et, cum vim iisdem frustra ob firmam earum

fortitudinem afferre conati essent, inclementer necaverunt.

Hae sunt:

1. Serva Dei Maria a Monte Carmelo Fradera Ferragutcasas nata est die 25

mensis Octobris anno 1895 in vico Riudarenas, in provincia et dioecesi Gero-

nensi, e familia agricolarum. Post gravem morbum, vitam consecratam am-

plecti statuit et Congregationem Filiarum Sacratissimi et Immaculati Cordis

Mariae, a Servo Dei Ioachimo Masmitjá y De Puig (1808-1886) fundatam, pro

christiana institutione puerorum, ingressa est. Habitum religiosum die 2

mensis Februarii anno 1922 induit et vota temporaria die 3 mensis Februarii

insequentis anni emisit, perpetua vero anno 1926. Bona indole praedita,

suavitatem morum praebuit et patientiam eximiam in alumnos et universam

suam communitatem religiosam. Regulam fideliter magno cum fervore et

oboedientia servavit. Peculiarem coluit devotionem erga sanctissimam Eu-

charistiam. Catechesi ac muneri institutionis puerorum in Collegio vici Ma-

taró studio intendit. Mense Iulio anno 1936, irrumpente persecutione, aliquos

dies hospes excepta est a propinquis cuiusdam sociae in religione et intra

finem mensis domum paternam rediit.

2. Serva Dei Rosa Fradera Ferragutcasas nata est die 25 mensis Novembris

anno 1900 in vico Riudarenas. Iuvenili aetate choro parochiali interfuit et

catechesim docebat. Cuidam paucos tantum menses pacta fuit, sed statuit

postea vitam consecratam amplecti. Congregationem Filiarum Sacratissimi

et Immaculati Cordis Mariae ingressa est, habitum religiosum die 16 mensis

Iunii anno 1923 induit et vota temporaria die 25 mensis Iulii insequentis anni

emisit, perpetua vero 24 mensis Iulii anno 1927. Magno ardore vitam inte-

riorem coluit et, iucunda indole, promptam oboedientiam Superioribus, nec-

non silentium, mortificationem et humilitatem. Docuit in vicis Olot et Sancta

Columba. Vastante persecutione, primum apud sororem Franciscam, quae

Sanctae Columbae vivebat, confugit, dein in domum paternam.

3. Serva Dei Magdalena Fradera Ferragutcasas nata est die 12 mensis

Decembris anno 1902 in vico Riudarenas. Cum desiderium Deo se consecrandi

iam inde a iuventute expressisset, Congregationem Filiarum Sacratissimi et