Acta Benedicti Pp. XVI 993

III

TENANCINGANA

In Mexico nova conditur dioecesis Tenancingana appellanda.

BENEDICTUS EPISCOPUS

servus servorum dei

ad perpetuam rei memoriam

Christi Regis universi regnum ubique terrarum diffundere et roborare

cupientes, libenter accepimus propositum Venerabilis Fratris Francisci Cha-

volla Ramos, Episcopi Tolucensis, audita Conferentia Episcopali Mexicana,

quod ad melius consulendum spirituali bono christifidelium utile videbatur,

ut ex parte sibi concreditae circumscriptionis nova conderetur dioecesis.

Quamobrem Nos, praehabito favorabili voto Venerabilis Fratris Christophori

Pierre, Archiepiscopi titulo Gunelensis atque in Republica Foederata Mexi-

cana Apostolici Nuntii, praehabita sententia Congregationis pro Episcopis,

quae sequuntur decernimus.

De plenitudine Apostolicae Nostrae potestatis seiungimus a dioecesi To-

lucensi integrum territorium paroeciarum patrio sermone ita appellatarum:

San Francisco de Ası́s, San Miguel Arcángel, Santa Ana, San Juan Bautista,

La Santı́sima Trinidad et La Asunción de Marı́a in urbe Tenancingo; San

Pedro Apóstol in Almoloya de Alquisiras; La Asunción de Marı́a, Nuestra

Señora de Belén et Santa Marı́a Guadalupe in Coatepec Harinas; La Asunción

de Marı́a, Santiago Apóstol et San Pedro Apóstol in Ixtapan de la Sal; La

Asunción de Marı́a in Joquincingo; El Divino Salvador et San Andrés Apóstol

y Nuestra Señora de Buen Consejo in Malinaico; Santiago Apóstol in Ocuilan;

San Juan Bautista, La Purı́sima Concepción de Marı́a et La Asunción de

Marı́a Santı́sima in Sultepec; Santiago Apóstol in Texcaltitlán; Santiago

Apóstol in Tonatico; Santa Bárbara, Santa Marı́a de Guadalupe, Santiago

Apóstol, La Santı́sima Trinidad et San José in Villa Guerrero; La Inmaculada

Concepción et San Lorenzo Mártir in Zacualpan; La Natividad y Purificación

de Marı́a in Zumpahuacán.

Ex ita ergo distracto territorio novam dioecesim constituimus Tenancin-

ganam appellandam, eiusque sedem in urbe Tenancingo statuimus ac

templum paroeciale ibidem Deo dicatum in honorem D.N. Perdolentis ad

gradum dignitatemque ecclesiae Cathedralis evehimus. Novam hanc dioece-