Acta Apostolicae Sedis - Commentarium Officiale1002

paratum se praebuit ad nazistarum vexationibus occurrendum, qui ut novi

gentiles Christianas institutiones oppugnare coeperunt. Prudentia puraeque

conscientiae firmitate sustentatus, belli aetatem exegit, Provinciam et soda-

les regens, necnon consociatarum copiarum obsidionem superavit. Dei Servus

novissimis Sacramentis roboratus, die X mensis Iunii anno MCMXLVI e vita

cessit. Propter eiusdem increbrescentem famam Ratisbonensis dioecesis Epi-

scopus Processum Ordinarium incohavit, qui annis MCMLXIII-MCMLXV actus

est. Decretum probatorum scriptorum die I mensis Aprilis anno MCMLXIX

prodiit et Decretum de Processus validitate foras a Congregatione de Causis

Sanctorum die X mensis Aprilis anno MCMXCII est datus. Peculiaris Congressus

Consultorum Theologorum die VIII mensis Iunii anno MMIV Servi Dei virtutes,

heroum in modum exercitas, comprobavit. Idem fuit iudicium Patrum

Cardinalium Episcoporumque in Ordinaria Sessione die I mensis Februarii

anno MMV coadunatorum. Nos Ipsi concessimus ut Congregatio de Causis

Sanctorum Decretum de virtutibus heroice exercitis die XXVI mensis Decem-

bris anno MMV evulgaret. Omnibus iure statutis perfectis rebus, Nos Ipsi

Congregationem de Causis Sanctorum permisimus ut Decretum de miraculo

die XIX mensis Ianuarii anno MMIX foras emitteret atque statuimus ut beati-

fı́cationis ritus Ratisbonae, in Germania, die IV mensis Octobris anno MMIX

celebraretur.

Hodie igitur de mandato Nostro Venerabilis Frater Angelus Amato,

Congregationis de Causis Sanctorum Praefectus, textum Litterarum Aposto-

licarum legit, quibus Nos in Beatorum numerum Venerabilem Dei Servum

Eustachium Kugler adscribimus:

Nos, vota Fratris Nostri Gerardi Ludovici Müller, Episcopi Ratisbonen-

sis, necnon plurimorum aliorum Fratrum in Episcopatu multorumque chri-

stifidelium explentes, de Congregationis de Causis Sanctorum consulto, auc-

toritate Nostra Apostolica facultatem facimus ut Venerabilis Servus Dei

Eustachius Kugler vir religiosus ex Ordine Hospitalario S. Ioannis de Deo,

qui Christi Misercordis evangelicum exemplum sequens pro egentibus aegro-

tisque curandis totam vitam suam impendit, Beati nomine in posterum

appelletur, eiusque festum die decima mensis Iunii, qua in caelum natus

est, in locis et modis iure statutis quotannis celebrari possit. In nomine Patris

et Filii et Spiritus Sancti.