Acta Benedicti Pp. XVI 1001

III

Venerabili Dei Servo Eustachio Kugler caelitum Beatorum tribuitur dignitas.

BENEDICTUS PP. XVI

Ad perpetuam rei memoriam. - «Et circumibat Iesus totam Galilaeam,

docens in synagogis eorum et praedicans evangelium regni et sanans omnem

languorem et omnem infirmitatem in populo » (Mt 4, 23).

Venerabilis Dei Servus Eustachius Kugler (saeculari nomine Iosephus

appellatus) Christum Iesum est secutus eumque sua vita imitatus, quam in

aegrotos pauperesque Ordinis Hospitalarii S. Ioannis de Deo curandos im-

pendit. Praeter quam quod Salvatori his in fratribus inservivit, eosdem,

inutiles habitos, adversus mundi vim tuitus est.

Die XV mensis Ianuarii anno MDCCCLXVII in pago Neuhaus paroeciae Nitte-

nau dioecesis Ratisbonensis ortus est. Mortuo patre, quamquam apud scho-

lam multum proficiebat, ad fabri artem Monachi discendam est compulsus.

Propter infelicem ex opere casum perdiu in valetudinario manere est coactus.

Hic cum Domino consuetudinem iniit: in sacello multum temporis, S. Eucha-

ristiam adorans, insumere solebat. Sanatus, sed claudus totam per vitam, a

cognato ut faber est conductus. Hanc agens artem, in oppido Reichemberger

Ordinis Hospitalarii S. Ioannis de Deo sodales cognovit, qui inibi, compluri-

bus superatis diffı̀cultatibus, valetudinarium condiderant atque Dei Servus

non modo operosum se praebuit, sed etiam sanctitati vitae studentem. Suas

propter virtutes statim in Ordinem probationis causa, tum velut postulans,

post ut novitius est receptus, licet de eius valetudine dubitaretur. Sed eius

humanae christianaeque virtutes effecerunt ut cunctae difficultates supera-

rentur atque die XXX mensis Octobris anno MDCCCXCVIII perpetua vota nun-

cupavit. Magis in dies in sanctitatis semita est progressus ita ut sodales

sinerent ut valetudinarii scientiam assequeretur, quem alterum a priore po-

stea elegerant, exinde unanimiter priorem et tandem provincialem. Semper

aegrotos curare solebat. Ordo Hospitalarius S. Ioannis de Deo, anno MCM

ineunte, complura valetudinaria in Germania condidit, mente aegrotantibus

destinata, quae difficulter regebantur. Servus Dei Eustachius Kugler non

modo in his curandis sollicitudine eminuit, verum etiam eo quod optimus

fuit administrator. Iis quae primum mundanum bellum secum intulit

animose, prudenter, amanter, fı́denterque in Domino obviam ivit. Sic