QUAESTIO VII

Utrum ratione hujus , quod dicitur in littera, quod idem est actus sensibilis, et sensitivi, actio et passio sint idem actus, sive motas ?

Aristot. 3. de Anima lect. 139. et 3. Physic. lect. 18 et 21. et 9. Metaph. lect. 10. D. Thom. in 2. dist 40. quaest. 2. art. 4. et 2. cont Gent. cap. 9. et quaest. 7. de Potent, art. 9. ad 7. Cajet. i.part quaest. 25. art. 1. Aureol. in 2. dist.

1. quaest. 2. et 3. Baccon quaest 2. art. 2. Argent. dist. 19. q. i. Valent. 1. p. d. 3. q. 2. part. 1. Auton. Andr. in lib. sex Princip. Paulus Vens tus 3. Physic, q. 3. Masius 3 Physic, cap. 3. sect. 1. q. 4. Ferr. q. 2. Sonoin. 5. Metaph, quistt. 4. Conimbr. 3. Physic. cap. 1. q. 3. Suavez disput. 18. Metaph. Hurtad. disp.

11. Physic, sect. 2. Aversa q. 23. Physic.sect. 6.

Arguitur quod sic : secundum Philosophum, idem est actus motivi, et mobilis, actus activi est actio in mobili ; actus est passio : ergo, etc. Praeterea, actio est in patiente , sed si actio non esset idem quod passio, esset contraria sibi, et sic non esset in patiente, cum contraria non possint esse in eodem ; ergo est idem quod passio. Probatio majoris, quia si actio esset in agente, cum fundetur in motu, tunc agens in quantum agens moveretur, quia illud moveretur ; in quo est motus; consequens est falsum ; ergo et antecedens.

Praeterea, Philosophus probat 5. Physicor. quod ad actionem et passionem, non est motus , quia ad motum non est motus; sed ista probatio non valeret, si actio et passio non essent motus, ergo etc. Praeterea, actio est duplex ut dicitur 9. Met. una transiens in materiam exteriorem et alia immanens : sed actio transiens cum motu est continua, et per consequens successiva ; sed omne successivum, aut est tempus, aut tempore mensuratum: ergo et talis actio. Sed non potest esse tempus, quia est in genere Quantitatis ; ergo est tempore mensuratum : sed omne mensuratum tempore est motus ; ergo, etc.

Contra, potentia activa et passiva sunt essentialiter distinctae ; sed potentiarum diversarum sunt diversi actus essentialiter ; ergo et actus talium potentiarum sunt essentialiter diversi actus, potentiae activae est actio, et passivae potentiae est passio ; ergo, etc.Praeterea, ignis agens in duo ligna, aut agit unica actione, aut duabus ; si una, aut illa erit in agente, et sic habeo propositum , si in passo, tunc erit in duobus lignis ; et sic sequitur quod unum accidens numero erit in duobus subjectis, quod est inconveniens. Si autem duabus actionibus agit, puta calefactionibus, tunc idem agens numero habebit plures actiones numero differentes, et ejusdem Speciei.

Praeterea, si actio est in passo, ita quod actio et passio sint idem motus, sequuntur illa tria inconvenientia posita in 3. Physicorum, quod diversorum specie sit idem actus specie et numero, quia activum et passivum specie differunt. Similiter doctio erit doctrina, et actio erit passio, et ulterius, quod agere erit pati. Praeterea, si actio et passio sunt idem motus, accipiamus unum motum singularem, verum est, quod hic motus erit passio; hoc autem est inconveniens ; ergo, etc