I. De sancto Achatio.

1. Amator dulcis hominum
Canens, Iesu Domine,
Usque ad terrae terminum
A solis ortus cardine.

2. Concilias Achatium

Tibi cum turba procerum
Militum novem milium,
Conditor alrae siderum.

3. Hos spernendo simulacra
Turbis unis fidelium
Sanguinea per lavacra,
Rex Christe, factor omnium.

4. Ad Deo dignos comites
Theodori cum gaudio
Mille coniungis milites,
Iesu, nostra redemptio.

5. Claram sic et purpuream
Numero decem palmitum
Tuam consummas vineam,
Deus tuorum militum.

6. Iudicati supplicia

Crucis volenter subeunt,
Fulget crucis victoria,
Vexilla regis prodeunt.

7. Veneremur hos nobiles
Per pietatis opera,
Qui meruerunt stabiles
Aeterna Christi munera.

8. Sit nunc hic et in patria
Vera nobis felicitas,
Laus tibi sit et gloria,
O lux, beata trinitas.