71. De sancto Pancratio.

1. Ave, O dulcissime

Pancrati sacrate,
Odorem gratissimae

Vitae spargens late,
Pro salute animae

Meae scutum da te,
Mihi mores imprime

Vitae caelibatae.

2. Ave, pueritiae

Qui transscendens iura,
Subdens sub militiae

Fidei te cura,
Ab omnis malitiae

Me servans ustura,
Ut regnem in requie

Cum Christo ventura.

3. Ave, spernis idola

Qui surda et muta,
In quibus fraus subdola

Latet et versuta,
Pro me preces immola

Hostesque confuta,
Acta mea frivola

In bonum commuta.

4. Ave, tu qui sanguine

Tuo coronaris,
Nam pro Christi nomine

Capite privaris,
Devoto iuvamine

Precibusque claris
Illustra me lumine

Dei, quo laetaris.

O. Ave tu, martyrio

Qui es consummatus
Et in contubernio

Sanctorum locatus,
Praesta, pio studio

Ut tui precatus
In poli sim solio

Tibi sociatus.