9. De sancto Erasmo.

1. Erasmi de victoria

Psalmis, hymnis, dramatibus
Gratuletur ecclesia,
Exsultet caelum laudibus.

2. Regis ferocis pertulit
Erasmus disterminium,
Aegrotis mente contulit
Magnum salutis gaudium.

3. Ardebat quidem reddere
Heredes tui filii
Tuo tibi ex munere,
Summi largitor praemii.

4. Signis, verbis, subsidiis
Animas infidelium
Tuis dedit imperiis,
Rex Christe, factor omnium.

5. Multo caesum martyrio
Martyrem hunc emeritum
Unis digne consortio,
Deus, tuorum militum.

6. Valvam pandis aetheream
Sancto tanto dignissime
Post coronam pupuream,
Aeterne rex altissime.

7. Subventu nos propitio
Consolari divinitus
Cum patre et cum filio
Veni, creator spiritus.