XLI a. CHRISTANUS CAMPOLILENSIS.
7. De sancto Colomanno. Ad Completorium.
12. De sanctissimo Sacramento.
19. De beata Maria V. Super Ave Maria.
51. De s. Iohanne Evangelista.
69. De s. Michaele et Angelis.
1. Humi de tribulis novella rosula,
Omnium oculis stuporis gerula,
Praepollens inclitis beatus meritis
Leonbardus progreditur.
2. Gerens innoxiam salubri gratia
Hic innocentiam a pueritia
Multis vigiliis atque ieiuniis
Leges carnis persequitur.
3. Ferri compedibus quos vinctos noverat,
Piis precatibus protinus liberat,
Sic adest omnibus se invocantibus
Sospitatis dans gratiam.
4. Ipsius vernula, oppressus graviter
Fera per vincula, solutus leniter
Catenae sarcinam ferrique machinam
Sancti fert ad ecclesiam.
5. Alta de fovea, qua vir infoditur,
Areaque lignea cum superponitur,
Sanctus adveniens, captum eripiens
Dat libertati pristinae.
6. Sic multis talia virtute redolens
Dat beneficia, sincere condolens,
Verbo mirificus, ope salvificus
Salvatoris in nomine.
7. Iuvamen porrigat suae clementiae,
Precatus dirigat ad regem gloriae,
Dentur ut praemia nobis in patria
Gaudiorum cum foenore.
8. Patri ingenito eiusque filio,
Pneumati inclito sit iubilatio,
Honor, victoria, decus, laus, gloria,
Nunc et in omni tempore.