XLI a. CHRISTANUS CAMPOLILENSIS.
7. De sancto Colomanno. Ad Completorium.
12. De sanctissimo Sacramento.
19. De beata Maria V. Super Ave Maria.
51. De s. Iohanne Evangelista.
69. De s. Michaele et Angelis.
1. Cor, maeroris nubilo,
Dic, cur obumbraris?
Gaudii cur iubilo
Nullo delectaris?
Proh dolor, in nihilo
Iam nunc consolaris,
Sed frigens ut aquilo,
Heu, heu, desolaris.
2. Risus cur me fugerit,
Si quis cupit scire,
Ex moderno poterit
Hoc statu sentire ;
Agnus lupum peperit
Conantem saevire,
Omne bonum praeterit,
Malum furit dire.
3. Ius cessit, lex corruit,
Heu, ad quid sum natus?
Pios tantum obruit
Fallax mundi status,
Saul Neroni congruit
Et Iudae Pilatus,
Pietas defioruit,
Floret, proh, reatus.
4. Supra mundi doleo
Statum tam virosum,
In quo patri video
Filium exosum,
Exemplar hic habeo
Herodem dolosum,
Vivere fit ideo
Iustis onerosum.
5. Turtur vitat noxium
Avium conventum,
Pauper ita gladium
Regis violentum,
David Saulis odium
Fugit virulentam,
Ergo pungant impium
Poenae mille centum.
6. Ardor castrimargiae
A cunctis amatur,
Omnis homo varie
Iam per hanc hamatur,
Omnes crassi, macie
Nullus gloriatur,
Nam laus parcimoniae
Nusquam praedicatur.
7. Nullum fornicatio,
Proh nefas, excludit,
Rex, plebs, omnis natio
Studens in hac ludit,
Et sacra religio
Per hanc se confudit,
Heu, quae nescit, ratio
Plurima concludit.
8. Ueritatis praemium
Iam nullus advertit,
Omnis ad mendacium
Homo se convertit,
Sed qui per hoc vitium
Se a Deo vertit,
Huius ad supplicium
Poena nunquam stertit.
9. Salus mea, Domine
Iesu, rex cunctorum,
Habitans in lumine
Caeli secretorum,
Absolve a crimine
Omnium malorum
Confirmans in agmine
Me tecum sanctorum.