4. De sancto Bartholomaeo

1. Bartholomaei inclitis
Da solita clementia,
Iesu, prece et meritis
Beata nobis gaudia.

2. Verbi succidat gladio
Vepres ut idolatriae,
De gratiae das gremio,
Splendor paternae gloriae.

3. Illustre semen seminat
In cordibus fidelium,
In ipsis unde germinat
Magnum salutis gaudium.

4. Granorum iacta palea
Tritici multum numerum
Tua defert in horrea,
Conditor alm e siderum.

5. Sollers ut apis pluribus
Tibi felici studio
Dat mel de mundi sentibus,
Iesu, nostra redemptio.

6. Stupenda patientia
Diras poenas martyrii
Tua suffert pro gloria,
Summi largitor praemii.

7. Hinc de mundo feliciter
Transmigrat super aethera,
Degustat ubi iugiter
A eterna Christi munera.

8. Sit nunc hic et in patria
Vera nobis felicitas,
Laus tibi sit et gloria,
O lux, beata trinitas.