8. De sancto Dorothea.

1. Caelestis patria carmen angelicum,
Mater ecclesia hymnum symphonicum,
Dulce spirantia depromant canticum
Dorotheae pro gloria.

2. De caeli patria fulget haec stellula
Mundo nobilia ferens miracula,
Laetentur omnia cuncta per saecula,
Solum, polus et maria.

3. Sole praeclarior laudis haec titulo,
Austro fulgidior virtutum speculo,
Igne activior amoris osculo,
Nostris sit votis aptior.

4. Mitis et humilis, exemplo inclita,
Ad bonum agilis, abhorrens vetita,
Tota laudabilis, virtute solita
Nobis assit placabilis.

5. Ope fortificat vallem miseriae,
Vita aedificat domum ecclesiae,
Laude magnificat principem gloriae,
Universa laetificat.

6. Nunc pernox porrigat manum labentibus,
Prolapsos erigat precibus iugibus,
Erectos corrigat pravis ab actibus
Et ad salutem dirigat.

7. Patri fortissimo laus et imperium,
Veibo doctissimo regnum sit regium,
Pneumati optimo decus eximium,
Uni trino dulcissimo.