12. De sancta Petronella

1. Petronellam caelestibus
Iungis choreis hodie
Multis faustam virtutibus,
Splendor paternae gloriae.

2. Invenisti mirabilem
In tui grege populi
Margaritam hanc nobilem,
Iesu, salvator saeculi.

3. Corde, ore et opere

Sibi sponsum et dominum
Quaesivit te summopere,
Iesu, corona virginum.

4. Virginitate floruit
Pudoris fulta lilio,
Sponsum te digne meruit,
Iesu, nostra redemptio.

5. In caeli per te floribus
Thronus datus floridior
Es ipsi cum virginibus,
Iesu, corona celsior.

6. Sit nunc hic et in patria
Vera nobis felicitas,
Laus tibi sit et gloria,
O lux, beata trinitas.