▾
Bonaventure of Bagnoregio, Sermones De Sanctis
⎗←→⎘
▾
DE SANCTO ANDREA APOSTOLO (30 Nov.).
DE SANCTO STEPHANO MARTYRE (26 Dec).
DE SANCTO IOANNE EVANGELISTA (27 Dec.).
DE SANCTA AGNETE VIRGINE ET MARTYRE (21 lan.).
DE SANCTO VINCENTIO MARTYRE (22. Iam).
DE SANCTA AGATHA VIRGINE ET MARTYRE (8 Febr.).
DE SANCTO MATHIA APOSTOLO (24 vel 2b Febr.).
DE SANCTO MARCO EVANGELISTA. (23 Apr.).
DE SS. PHILIPPO ET IACOBO APOSTOLIS (1 Maii).
DE TRANSLATIONE S. FRANCISCl (25 Maii).
DE NATIVITATE S. IOANNIS BAPTISTAE (24 Iunii).
DE SANCTIS APOSTOLIS PETRO ET PAULO (29 Iunii).
DE S LAURENTIO MARTYRE (10 Aug.).
DE S. BARTHOLOMAEO APOSTOLO (24 vel 28 Aug.).
DE S. PATRE NOSTRO FRANCISCO (4 Oct.).
Item, sermo fratris Bonaventurae in festo sancti Stephani coram Fratribus in Conventu Parisiensi, quando festum istud fuit in Dominica.
Cum esset Stephanus plenus Spiritu sancto, intendens in caelum, vidit gloriam Dei et Iesum stantem a dexlris- Dei, Actuum septimo .
In verbis his commendatur beatus Stephanus a . tribus, sive describitur tripliciter, scilicet: ut divinis charismatibus repletus, ut supernis consolationibus suspensus et ut aeternis claritatibus admissus. Primum, ibi: Cum esset Stephanus plenus Spiritu sancto: secundum, ibi: intendens in caelum; tertium, ibi: vidit gloriam Dei et Iesum stantem a dextris Dei. I. Circa primum nota, quod beatus Stephanus fuit plenus Spiritu sancto, id est gratia Spiritus sancti irradiante ipsum quantum ad intellectivam; Ioannis decimo sexto : Cum autem venerit ille Spiritus veritatis, docebit vos omnem veritatem.
Dirigente ipsum quantum ad intentivam; Psalmus: Spiritus tuus bonus deducet me in terram rectam,
Suavificante ipsum quantum ad affectivam: Sapientiae duodecimo: O quam bonus et suavis est, Domine, Spiritus tuus in omnibus. - Constanlificante ipsum quantum ad optativam; Ioannis decimo quarto : Alium Paracletum dabit vobis, ut maneat vobiscum
in aeternum, Spiritum veritatis.
Fecundante ipsum quantum ad interpretativam: Matthaei decimo: Non enim vos estis, qui loquimini, sed Spiritus Patris vestri, qui loquitur in vobis.
Consummante ipsum quantum ad operativam: Psalmus: Spiritu principali confirma me.
II. Circa secundum nola, quod beatus Stephanus intendebat in caelum merito, quia ibi habebat suum desiderium; ad Philippenses tertio : Nostra conversatio in caelis est: unde etiam Salvatorem exspectamus, Dominum nostrum Iesum Christum.
Ibi habebat suum praepositum; Iob decimo sexto: Ecce, in caelo est testis meus et conscius meus in excelsis.
Ibi thesaurizaveral omne suum; Matthaei sexto: Thesaurizate vobis thesaurum in caelo.
Inde sperabat omne solatium; Deuteronomii vigesimo sexto : Respice, Domine, de sanctuario tuo et de excelso caelorum habitaculo.
Inde exspectabat agonis tropaeum; Threnorum tertio: Conteres eos sub coetis, Domine.
Ibi sciebat esse suae angustiae proemium; secundae ad Corinthios quinto: Scimus, quoniam, si terrestris domus nostra huius habitationis dissolvatur, quod aedificationem ex Deo habemus, domum non manufactam, aeternam in caelis.