Sermo IV .

Item, sermo fratris Bonaventnrae coram Universitate Parisius, in domo Minorum.

Corona aurea super mitram eius, gloria honoris et opus fortitudinis, Ecclesiastici quadragesimo quinto .

Verba haec leguntur de Simone pontifice, Oniae magni filio, secundum litteram, et possunt secundum veritatem melius exponi de Protomartyre Stephano, Christi, magni Pontificis, primogenito Martyre sive filio. In quibus tria notantur, scilicet pulcriformilas gloriae ipsum sempiternaliter promovens, cum dicitur: Corona aurea super mitram eius: luciformitas sapientiae ipsum sempiternaliter attollens, cum subditur: gloria honoris: gratiositas vitae ipsum sempiternaliter subvehens, cum additur: opus fortu tudinis.

Circa totum nota, quod magnitudo mercedis beati Stephani designatur in nomine coronae aureae, in qua sunt quatuor, scilicet pretiositas materiae, venustae formae, dignitas adiacentiae, interminabilitas figurae. In quibus quatuor comprehenditur omne desiderabile. Omnis enim, qui desiderat, aut desiderat bonum, quod ditat, et ita pretiosum: bonum, quod delectat, et ita speciosum; bonum, quod exaltat, et ita honorificum: bonum, quod durat, et ita infinitum.

Est ergo beatitudinis corona aeternae in beato Stephano: sicut vere ornamentum pretiosum, quod ditat: Proverbiorum decimo quarto : Corona sapientium, divitiae eorum. - Ornamentum speciosum, quod decorat: Isaiae sexagesimo primo: Tanquam sponsam decoravit me corona. - Ornamentum honorificum, quod exaltat; Psalmus : Gloria et

honore coronasti eum, Domine etc. - Ornamentum perpetuum, quod semper durat: primae Petri ultimo : Cum apparuerit Princeps pastorum, percipietis immarcescibilem gloriae coronam.

Seruo V .

Item, sermo fratris Bonaventurae Fratribus de Lugduno.

Libavit de sanguine uvae, effudit odorem divinum excelso principi, Ecclesiastici quinquagesimo .

Describitur in verbis istis beatus Stephanus: ut in 9uo martyrio inclytus et gloriosus et ut in suo praeconio mundo odori ferus et gratiosus. Primum, ibi: Libavit de sanguine uvae; secundum, ibi: effudit etc.

Notandum ergo, quod beatus Stephanus in suo - martyrio fama et gratia effudit odorem: lilii albescentis propter virginitatis candorem ; Canticorum secundo : Ego flos campi et litium convallium.

Rosae vernantis per sanguinis passionem; Ecclesiastici quinquagesimo: Quasi flos rosarum in diebus vernis.

Unguenti fragrantis per sanctitatis conversationem: Ioannis duodecimo: Domus impleta est ex odore unguenti.

Incensi ardentis per orationis virtutem et pietatem; Ecclesiastici quinquagesimo : Quasi thus redolens in diebus aestatis et quasi thus ardens in igne.