Sermo XIV .

Item, sermo fratris BonaTentnrae de beato Stephano coram Fratribus Conventus Senonensis in Inventione, quando ibat vocatus a Papa Urbano.

Quis est hic? et laudabimus eum: fecit enim mirabilia invita sua. Ecclesiastici trigesimo primo .

In verbis his Sapiens divino Spiritu elevatus describit beatum Stephanum ut admirabilem in exemplis, ut spectabilem in gratiis et ut venerabilem in miraculis. Primum, ibi: Quis est hic? quasi dicat:

magnus in vita: secandum, ibi: et laudabimus eum, tanquam praecellenlem in divina gratia et privilegiatum praerogativa; tertium, ibi: fecit enim mirabilia in vita sua.

I. Circa primum nota, quod si quaeritur, quis fuerit, qualis fuerit beatus Stephanus in vita, dicimus, quod fuit iuvenis: religione ornatus; unde Actuum sexto : Considerate viros ex vobis boni testimonii etc.; et elegerunt Stephanum plenum fide et Spiritu sancto. - Conversatione mansuetus: unde Actuum sexto: Viderunt faciem eius tanquam faciem Angeli splendentem inter illos. - A mutatione fervidus: unde Actuum sexto: Non poterant resistere sapientiae et spiritui, qui loquebatur.

Devotione pius: unde Actuum septimo : Cum esset plenus Spiritu sancto, intendens in caetum, vidit gloriam Dei.

Condescensione affectuosus: unde Actuum septimo: Positis genibus, clamavit voce magna, dicens: Domine Iesu, ne statuas illis hoc peccatum.

Sanctitudini mundus: unde Acinum sexto, factus est minister caritatis ab Apostolis.

Opinione praeclarus, quia Actuum sexto : Faciebat prodigia et signa magna in populo.

II. Circa secundum nota, quod beati Stephani privilegia gratiae sive laudes sunt hae: prima est, . quod valde iuvenis, id est decem et octo annorum vel circiter, fuit ab Apostolis diaconus ordinatus secunda est, quod ab eisdem minister caritatis viduarum Ecclesiae fuit electus et eis praelatus; tertia est, quod in sua quasi adolescentia praedicator facundus novae gratiae fuit et praedicandn mirabilia faciebat in populo, ita quod nullus sapientiae et spiritui eius resistere poterat ; quarta est, quod de fide disputans, omnes in concilio convicit et eis in vultu angelico et virgo mundissimus apparuit; quinta est, quod in tribulatione pro Christo positus, vidit caelos apertos et Iesum stantem, paratum ad auxilium, cuius visione mira suavitate refectus fuit: sexta est, quod a beato Luca plenus fide et Spiritu sancto, gratia et fortitudine fuisse describitur et primogenitus Christi inter Martyres et vexilufer Martyrum est effectus: septima est, quod tantae benignitatis et pietatis et caritatis fuit, quod pro ipsis persecutoribus inter ipsa tormento oravit, pro cuius etiam oratione Saulus conversus fuit, secundum Augustinum .

III. Circa tertium nota, quod mirabilia, quae fecit beatus Stephanus, sunt haec, absque illis quae fecit, quando praedicabat in populo: primo suscitavit sex mortuos, ut refert beatus Augustinus vigesimo secundo libro de Civitate Dei: secundo, flores, positi in Africa super altare eius et inde portati et super infirmos positi, omnem languorem curabant, sicut refert Augustinus ibidem ; tertio, panni altaris eius, super infirmos.positi, multis exstiterunt ad sanitatem perfectam, ut dicit Augustinus ibidem: quarto, flores de altari eius sumti et mulieris caecae oculis suppositi, statim lumen perfectum ei restituerunt, ut dicit Augustinus ibidem: quinto, flores de altari eius.accepti et capiti cuiusdam aegroli nobilissimi, infidelis existentis et dormientis, suppositi, cum evigilasset, statim petiit baptismum, ut dicit Augustinus ibidem , et dicit, quod ille, donec vixit, habuit in ore verbum illud Stephani: Domine Iesu, suscipe spiritum meum: sexto, cuidam mulieri matrifamilias, longo languore detentae, eunti ad memoriam suam perfectam sanitatem restituit, cadente ante eam in via zona capillatia cum anulo, habente. sub gemma lapidem inventum in renibus bovis, suis nodis firmatissima, quam propter sanitatem habendam ad consilium unius ludaei portabat, sicut refert Augustinus ibidem: septimo, duobus, fratri scilicet et sorori, trementibus membris omnibus ex maledictione matris, quae, ab eis vexata, decem omnes filios maledixit, et omnes eandem infirmitatem incurrerunt, perfectam sanitatem restituit in praesentia Augustini et populi, in quadam ecclesia sua apud Hipponem: octavo, dum corpus eius Romam transferretur de Ierosolyma et de Constanti nopoli, dum in sepulcro beati Laurentii poneretur, a corpore Laurentii, placide dato loco exceptam fuit ; nono, corpus eius inventum fuit a presbytero Luciano in loculo pleno rubentibus et vernanlibus rosis recentibus : decimo, ad fragrantiam corporis eius inventi septuaginta a diversis infirmitatibus liberati sunt et afir serenatus est valde: undecimo , dum corpus eius Constantinopolim de Ierusalem in navi deferretur, statim ibidem auditi sunt hymni angelici et suavissimus odor fragravit, et daemones clamaverunt, se vexari ; duodecimo, filia Theodosii imperatoris daemoniaca valde ad tactum sepulcri est sanato et perpetuo .