1. De Corpore Christi.

In 1. Vesperis.

Antiphonae.

1. Hodie recolitur

Festum gratiarum,
In quo Christus sumitur,
Panis animarum.

2. Christus panem tribuit

Se cena finali,

Comedi quem docuit

Iuhilo mentali.

3. Si quis edit dulciter
Ex hoc pane vivo,
Vivet in me iugiter
Et in eo vivo.

4. Arae superponitur
Isaac dilectus,
Mente Christus editur
Prae cunctis electus.

E. Angeli empyrei,
Homines cinerei

Verbum increatum
Edunt cum laetitia,
Plenum omni gratia,
Mundo toti gratum.
V. Panis corda iugiter
Cibans angelorum
Fit misericorditer
Foenum iumentorum.

Ad Magnificat.

A. Ave, manna angelorum,
Iesu, vivens hostia,

Fons et arrha gaudiorum,
Mala fugans omnia,

Corda nostra, proh, exusta
Culpae per incendium

Virtutum flore venusta
Fac, o cordis gaudium.

Ad Matutinum.

Invitatorium.
Adoremus cum laudibus

Christum Deum et hominem,
Qui dat in escam mentibus

Suam carnem et sanguinem.

In 1. Nocturno.

Antiphonae.
1. Corrigat pestiferum
Cor ut homo reus,
Fructum salutiferum
Se cordi dat Deus.

2. Fructu vivi olei,

Frumenti cibantur,
Annulo cum fidei
Iusti subarrhantur.

3. O pars mei calicis
Et hereditatis,
Iesu, mundo sufficis
Te totum dans gratis.

4. Nostrum pingue, Domine,
Fiat holocaustum,
De tuo dans sanguine
Vitae nobis haustum.

5. Mensa nobis hodie
Domini paratur,
Tribulans ut facie
Salutis frangatur.

6. In voce laetitiae
Sonus epulantis
In mensa cotidie
Dei cibum dantis.

Responsoria.

1. Deus invisibilis
Factus est visibilis

Carne et localis,
Mortalis evaderet
Ut mortem et viveret

Deo immortalis ;
V. Parat in dulcedine

Deus raaesto mensam
Perplenam solamine,

Gratiam immensam.

2. O beatum incendium,
Quo Deus pater filium
Nobis dat in edulium
Contra mortis imperium !
V. Faciamus candida
Nostra vestimenta
Accedentes vivida
Christi sacramenta.

3. Dulcis Deus artifex,

Verbum carnem efficis
Artem per divinam,
Dulcem pius opifex
Menti nostrae conficis
Hoc ad medicinam ;
V. In carne ac sanguine
Te das, quod es, Domine.

4. Melchisedech ordine
Sacerdos, o Domine,

Nostram ad salutem
Cibi sub velamine
Tuam plenam numine

Obumbras virtutem ;
V. Mamia pluis ecclesiae,

Pluis coturnices,
Splendor paternae gloriae,

Gaudeant felices.

In 2. Nocturno.
Antiphonae.
1. Altaris communio
Data ad salutem
Renovat in gaudio
Nostram iuventutem.

2. Nos altare, Domine,
Tuum satiavit,
Tuo cor in sanguine
Nostrum exsultavit.

3. Gloriosa civitas

Sion praedicatur,

In qua vera caritas

Deus humanatur.

4. Christus parvus, humilis
In humanitate,
Magnus et laudabilis
In divinitate.

5. Notum facis, Domine,
Tuum salutare
Volens mundum sanguine
Ipsius salvare.

Responsoria.

1. Qui meae carnis epulum

Edunt, adhuc esurient,
Sanguinis mei poculum

Qui bibunt, adhuc sitient
Cordis vigent robore
Mystico in corpore

Nec unquam deficient.
V. Digne dignos satiat

Gratia divina,
Cum Christus se palliat

Veste frumentina.

2. Carnis meae pinguedine
Et sanguinis dulcedine

Fideles salvantur,
Indurati malitia
Credendi pertinacia

Perversi damnantur.
V. Qui ad corpus Domini

Indigne accedit,
Cani par non homini

Damnatus discedit.

3. Meae carnis ferculo
Sanguinisque poculo

Qui se digne cibat,
Eius sum refectio,
Ipse mea mansio,

Nam me bene libat.

V. Quicunque se reficit
Vivo caeli pane,
Ille nunquam deficit
Vivens in me sane.

4. Non dentem sed animum
Ad sumendum azimum
Panem praeparemus,
Istum fide credula
Atque mente sedula
Cibum ruminemus;
V. Iste panis sensificat
Cor nostrum et vivificat.

In 3. Nocturno.

Ad Cantica.
A. Pane vitae alitur
Atque intellectus,
Vera fide pascitur
Cum noster affectus.

Responsoria.
1. Devotis qui mentibus
Est vitalis esus,
Accepit cenantibus

Panem illum Iesus
Porrigens discipulis,
Quisque vivis epulis
Ut fiat obesus,
V. Et dixit: hoc facite
In mei memoriam
Offerentes debite
Salutarem hostiam.

2. Panem in meridie

Cum loseph comedimus
Mundi salvatore,
Sic Christum cotidie
Pura mente sumimus
Christiano more;
v. Hic panis venit de caelo
Frumenti absconsus velo.

3. Iesu panis fortificans,
Confirmans et vivificans

Ab omni languore,
Sana nos salubriter,
Comedamus iugiter

Ut te pleno ore;

V. Domine nos pabulo
Vitae ciba grato,
Signato in vitulo
Bene saginato.

4. Panem et carnes Eliae
Corvi portant bis in die

Sine neglegentia,
Omni die Deo gratum
Agnum sic immaculatum

Immolat ecclesia.
V. Sumit in iudicium

Panem Christi malus,
Qui bono remedium,

Vita est et salus.

In Laudibus.
Super Psalmos.

A. Bibite, carissimi,
Et inebriamini
Ad mensam altissimi
Assistentes Domini.

Ad Benedictus.
A. Benedictus es oriens,
Qui ex alto progrediens
Dedisti te hominibus
Et devotis mentibus
Edere fecisti.
Largire virtutem,
Ut te comedentibus
Nobis cum caelestibus
Tribuas salutem.

Per Horas.
Ad Primam.

A. Da nostrum cotidianum
Panem nobis hodie
Tuam per divinam manum,
Iesu, princeps gloriae.

Ad Tertiam.
A. Cum sit eucharistia
Panis in figura,
Vitae tamen gratia
Latet ibi pura.

Ad Sextam.

4. Dulcis est memoria
Illi super omnia,

Qui mortem annuntiat
Christi, donec veniat.

Ad Nonam.

A. Sumpto digne sanguine
Domini lavamur
Et ab omni crimine
Prorsurs emundamur.

In 2. Vesperis.

Antiphonae.

1. O felix convivium,
Iesu, et conviva,
Nobis sis edulium,
Qui es salus viva.

2. Panem subcinericium
Comedens Elias

Tale per edulium
Suas complet vias.

3. Panis hordeaceus
Madian subvertit,
Cum panis virgineus
Se in nos convertit.

4. Delicias dat regibus
Pinguis Aser panis,
Congruit iste mentibus.
Devotis non vanis.

Ad Magnificat.

A. Iesu, nostra felicitas

Summa et fontalis,
Spiritalis festvitas,

Iubilus mentalis,
Tuae carnis et sanguinis

Cibum das benignus,
Ut sit beatitudinis

Nostrae certum pignus.