▾
Bonaventure of Bagnoregio, Sermones De Sanctis
⎗←→⎘
▾
DE SANCTO ANDREA APOSTOLO (30 Nov.).
DE SANCTO STEPHANO MARTYRE (26 Dec).
DE SANCTO IOANNE EVANGELISTA (27 Dec.).
DE SANCTA AGNETE VIRGINE ET MARTYRE (21 lan.).
DE SANCTO VINCENTIO MARTYRE (22. Iam).
DE SANCTA AGATHA VIRGINE ET MARTYRE (8 Febr.).
DE SANCTO MATHIA APOSTOLO (24 vel 2b Febr.).
DE SANCTO MARCO EVANGELISTA. (23 Apr.).
DE SS. PHILIPPO ET IACOBO APOSTOLIS (1 Maii).
DE TRANSLATIONE S. FRANCISCl (25 Maii).
DE NATIVITATE S. IOANNIS BAPTISTAE (24 Iunii).
DE SANCTIS APOSTOLIS PETRO ET PAULO (29 Iunii).
DE S LAURENTIO MARTYRE (10 Aug.).
DE S. BARTHOLOMAEO APOSTOLO (24 vel 28 Aug.).
DE S. PATRE NOSTRO FRANCISCO (4 Oct.).
Item, sermo fratris. Bonaventurae in festo sancti Stephani, apud Assisium.
Video caelos apertos et Filium hominis stantem a dextris Dei, Actuum septimo .
In verbis his beatus Stephanus primo ostendit suae revelationis consolationem mirificam; secundo, exprimit suae affectionis finem sive intentionem suavificam; tertio, explicat suae tribulationis relevationem magnificam. Primum, ibi: Video coetos apertos: secundum, ibi: et Filium hominis: tertium, ibi: stantem a dextris Dei.
I. Circa primum nota, quod beatus Stephanus vidit caelos apertos, non reseratione caelorum , sed revelatione interiorum. Vidit, inquam, caelos apertos: ad supernae dispensationis operationem: Ioannis primo : Videbitis caelum apertum et Angelos Dei ascendentes et descendentes super Filium hominis.
Ad divinae praesentiae manifestationem: Matthaei tertio: Et ecce, aperti sunt ei caeli, et vidit Spiritum Dei descendentem sicut columbam et venientem super se.
Ad internae claritatis suae testificationem: Marci primo: Statim ascendens de
aqua, vidit caelos apertos.
Ad suae afflictionis consolationem ; Ezechielis primo : Cum essem iuxta fluvium Chobar, aperti sunt caeli, et vidi visiones Dei. - Ad paratae sibi gloriae attestationem ; Lucae tertio: iesu baptizato et orante, apertum est caelum. - Ad miseriae persequentium se dentationem ; Genesis septimo: Cataractae caeli apertae sunt , et facta est pluvia super terram etc.
II. Circa secundum nota, quod beatus Stephanus in sua passione vidit Filium hominis, Iesum, tanquam: sui animi desiderium: Lucae decimo septimo : Venient dies, quando desideretis videre unum diem Filii hominis: Mattbaei vigesimo sexto: Videbitis Filium hominis sedentem a dextris virtutis Dei et venientem in nubibus caeli.
Sui cordis solatium: Matthaei decimo sexto: Filius enim hominis venturus est in gloria Patris.sui cum Angelis suis, et tunc reddet unicuique secundum opera eius.
Sui propositi gubernaculum; Ioannis tertio : Nemo ascendit in caelum, nisi qui descendit de caelo, Filius hominis, qui est in caelo.
Sui certaminis propugnaculum: Lucae vigesimo primo: Vigilate itaque, ut digni habeamini fugere ista omnia, quae futura sunt, et stare ante Filium hominis.
Sui laboris triumphum: Mattbaei vigesimo quinto: Cum venerit Filius hominis in maiestate sua, et omnes Angeli cum eo, tunc sedebit super sedem maiestatis suae. - Sui meriti praemium: Lucae vigesimo primo : Videbunt Filium hominis venientem in nube cum potestate magna et maiestate.