3. De sancto Altmanno

In 1. Vesperis.
Antiphonae.
1. O mater ecclesia
Felix et fecunda,
Altmanni praeconia
Prome laetabunda.

2. Iugum sanctum teneris
Deo disponente
Portavit in umeris
Laeta quidem mente.

3. Minorat prae caeteris
Se sacer Altmannus,
Ut iungat hunc superis
Iubilaeus annus.

4. Ab hac valle lacrimarum
Iesu Christi gratia
Scandit gradus gratiarum
Ad poli fastigia.

R. Amictus est gemino
Amore hic pontifex
In cocco bis tincto.
Conformans se Domino
Virtuosus opifex
Intexto iacintho;
V. Huic pugnanti stadio
Cessit hostis gladio
Salutis accincto.

Ad Magnificat.
A. Gaude, felix Patavia,
De Saxonum prosapia

Pulchre laureata,
Chotwicensis ecclesia,
De Altmanni praesentia
Laetare ditata,

Gratularis merito
Tanto quae deposito
Digna collaudans.

Ad Matutinum.
Invitatorium.

Adoremus Christum regem,
Salvatorem inopum,

Dantem suum super gregem
Altmannum episcopum.

In 1. Nocturno.

Antiphonae.

1. Altmannus consilia
Sprevit impiorum
Vias cum laetitia
Currens antiquorum.

2. Contra pium impie
Impii cur fremunt,
Barathri quem bestiae
Nunc et semper tremunt?

3. Invocat iustitiae

Praesul iste Deum,
In nexu maestitiae
Qui dilatat eum.

4. Verba huius percipis
Et voces clamorum,
Dum per eum diripis
Castra fortiorum.

5. Honore et gloria

Hunc, Deus, coronas,
Huic cum super omnia
Potetatem donas.

6. Confidens in Domino
Pontifex sacratus
Intrat sine termino
Caelos laureatus.

Responsoria.

1. Altmannus de Saxonum
Gente natus consonum

Saxo nil gerebat,
Stella scintillantior,
Balsamo praestantior,
Moribus fulgebat;
V. Mundus fore pectore
Pariter et corpore
Totus gestiebat.

2. Scriptis theologicis
Atque philosophicis

Vir sanctus pollebat,
Nec suo hoc nomini,
Sed divino numini

Totum ascribebat;
V. De gazophylacio

Tantae abundantiae
Pio ditat studio

Filios ecclesiae.

3. Non Altmannus sapuit
Magis, quam oportuit,

Et, quantum decebat,
Fastui scientiae
Non, sed conscientiae

Quia intendebat;
V. Non ipsum inflabat

Artium scientia

Nec mundi prudentia,
Sed plus adornabat.

4. Sicut Aaron vocatus
Assumebat praesulatus

Baculum et annulum,
Non aspirans ad honorem,
Sed ad oneris laborem

Se praebebat famulum;
V. Maior factus de minimo

Non maiorem

Sed minorem
Exhibet in maximo.

In 2. Nocturno.
Antiphonae.

1. Operans iustitiam

Praesul sanctus iste
Transfertur ad gloriam
Digne tuam, Christe.

2. Decorem et gloriam
Ponis super eum,
Quem ad caeli patriam
Fers athanateum.

3. Portas vestras tollite,
Principes superni,
Praesulem suscipite
Regis sempiterni.

4. Nuntiavit opera
Miserentis Dei,
Ideo ad aethera
Fit dux Deus ei.

5. In polorum atriis
Antistes beatus
Habitabat gratiis
Multis adornatus.

6. Florens floret, floruit
Altmannus ut palma,
Dei ergo meruit
Subire agalma.

Responsoria.

1. Immolavit vitulum,
Suum cum corpusculum

Caste custodivit,
Spreta castrimargia
Sana parcimonia
Se caute nutrivit;
V. Carnis suae carnifex,
Felix iste pontifex
Se mundo contrivit.

2. Movet patrem caelicum
Agellum dominicum

Urticis vastari,
Conspicatur triticum
Quando evangelicum

Passim suffocari;

V. Herbas iubet spurias
Urticasque noxias
Statim exstirpari.

3. Impugnabant praesulem
Suae sortis exsulem
Carnalis lanistae,
Qui caudam cum hostia
Finali constantia
Offert tibi, Christe.
V. Noluit incestui
Placere sed iussui
Tuo praesul iste.

4. Sicut David filium
Cum incursu hostium

Fugit eiulando,
Altmannus sic filiis
Cessit adversariis
Pro his lamentando ;
V. Papae petit curiam
Praesulatus gloriam
Illi resignando.

In 3. Nocturno.

Ad Cantica.

A. Hymnis, psalmis, canticis
Celebrare festa
Altmanni pontificis
Nobis, Iesu, praesta,

Responsoria.

1. Volatu praecipiti
Altmanni ut capiti
Columba insedit,
Viso signo gratiae
Praesulem Pataviae
Ipsum papa dedit ;
V. De Bomana curia
Altmannus cum gloria
Gratiosus redit.

2. Marthae ministeria
Salubri industria

Praesul exhibebat,
Mariae convivia
Cordis cum laetitia

Iugiter habebat ;

V. Cum priore vigilat
Felici labore,
Cum secunda iubilat
Caelesti amore.

3. Aqua dum adponitur,
In vinum convertitur

Praesulis in mensa ;
In stuporem vertitur
Plebs, et vox attollitur

Cum laude immensa;
V. Ecce, mirabilia

Vetera novantur,
In vini solacia

Aquae permutantur.

4. Septena immersio
In Iordanis fluvio

Naaman mundavit,
Praesulis ablutio
Feminam a vitio

Leprae delepravi;
V. Mirum miro iungitur:

Puella leprosa
Sospitati redditur

Sorte gratiosa.

In Laudibus.

Antiphonae.

1. Sanctum istum induit
Dominus decore,
Cui partam tribuit
Sedem in honore.

2. Cordis in laetitia
Domino servivit,
Cuius quidem gaud a
Laetus introivit.

3. Tua, Christe, dextera
Altmannum suscepit
Atque super aethera
Regnare praecepit.

4. Mundo praesul corpore
Quia munde vixit,
Dominum in pectore
Mundo benedixit.

5. Non est illi similis
Praesuli inventus,
Quem senectus humilis
Laudat et iuventus.

Ad Benedictus.

A. In domo ecclesiae
Luminare hodie

Magnum est incensum,
Altmannus magnificus,
Opere mirificus,

Lumen dans immensum;

Ad opus virtutis
Hnius prece erige,
Iesu, nos et dirige

In viam salutis.

Per Horas.

Ad Primam.

A. De virtute iugiter
Ibat in virtutem
Altmannus feliciter
Lucrando salutem.

Ad Tertiam.

A. Non hic mercenarius
Nec lupus crudelis,
Sed fuit vicarius
Domini fidelis.

Ad Sextam.

A. Claudis gressum reparat
Et mutis loquelam,
Surdis aures reserat
Aegris dans medelam.

B fol. 168 a sq.

Ad Nonam,

A. Caecis visum praebuit,
Fugavit daemonia
Plurimisque adfuit
Plura per remedia

In 2. Vesperis.

Antiphonae.

1. Erogavit triticum

Altmannus insignis
Conservis dominicum
Et verbis et signis.

2. Sospitates corporum
Aegrotis praestabat,
A labe facinorum
Animas mundabat.

3. Digne in memoriam
Vertitur cunctorum
Praesul, qui ad gloriam
Transiit sanctorum.

4. Conregnans caelestibus
Apud regem caeli
Nobis prosit omnibus-
Precatu fideli.

Ad Magnificat.

A. Coruscans meridies,
Gaudiosa requies,
Viva salus omnium,
Plenum cordis gaudium,
Iesu, pax aeterna,
Altmanni antistitis
Precibus et meritis

Da cum sanctis omnibus.
Nobis te colentibus
Gaudia aeterna.