6. De sancto Colomanno

In 1. Vesperis.
Antiphonae.

1. Hodie ecclesia

Colomanni festa
Colit cum laetitia,
Cuncta cedant maesta.

2. Colomannus exsulat
De terra Scotorum,
Morte fera strangulat
Quem gens Noricorum.

3. Infamat suspicio

Falsa hunc beatum
Decernens suspendio
Reum Deo gratum.

4. En, succumbit veritas
Cedens falsitati,
Vim furens iniquitas
Facit aequitati.

R. Virtus theologicis
Tribus circulatur,
Quattuor politicis
Circulus quadratur,

Ab his septem parvulus
Iste Dei famulus

Nunquam flectebatur;
V. Septem sancti spiritus

Donis sic ditatus,
Ut septem virtutibus

Fulget laureatus.

Ad Magnificat.

Gaude, florens Austria,
De Scotorum germin
Decenter ornata,

Beata per omnia
Colomanno sanguine
Martyris ditata;

Digne plane gratularis,
Quae de tam egregiis
Et sacris reliquiis

Felix praedicaris.

Ad Matutinum.
Invitatorium.

Adoremus latria
Dominum caelorum,

Colomanno gaudia
Dantem gaudiorum.

In 1. Nocturno.

Antiphonae.

1. Novus David impiis
Se non conformavit,
Nec se pestilentiis
Ullis deformavit.

2. Quare fremunt impiae
Contra iustum gentes,
In eum malitiae
Dentes acuentes?

3. Dominus mirificum

Sanctum suum fecit,
Per quem, quod tabificum
Fuerat, refecit.

4. Scuto tuo, Domine,
Bonae voluntatis
Hunc in caeli culmine
Gemmis ornas gratis.

5. Omnia sub pedibus
Eius subiecisti,
Gratiis quem dulcibus,
Iesu, praevenisti.

6. Iustus qui iustitiam
Dominus dilexit,
Iustum iuste patriam
Ad iustorum vexit.

Respoiisoria.

1. Ardens quasi facula
Colomannus fabula

Tactus Noricorum,
Explorator proditur,
Tormentis afficitur
Verberum multorum ;
V. O Iesu, cur sol fulgidus
Livore fit tam lividus?

2. Ad tribunal iudicis
Stans verbis veridicis

Sese tuebatur,
Verba suffert aspera,
Poenae plura genera,

Nec sic movebatur ;
V. In flammis edacibus

Aurum depuratur,
Multis passionibus

Martyr hic probatur.

3. Flagris duris caeditur
Et saxis concutitur

Dulcis martyr iste,
Serram addunt cruribus
Cum tormentis pluribus

Brutales lanistae;
V. Quem post tot martyria
Dulci cum laetitia
Ducunt ad caelestia

Caeli citharistae.

4. Pravitatis milites,
Satanae satellites,

Clientes Averni
Appendunt ad stipitem
Colomannum, militem

Principis aeterni;
V. Victimandus tacuit

Martyr iste magnus
Et os non aperuit

Mutus velut agnus.

In 2. Nocturno.
Antiphonae.

1. Colomannus proximo
Malum nullum fecit,
Sed laeto se animo
Omnibus subiecit.

2. Domine, laetabitur
In tua virtute
Iustus et ditabitur
Aeterna salute.

3. Ipse est rex gloriae,
Dominas virtutum,
Dans in caelis hodie
Isti locum tutum.

4. In Deo laudabitur
Iustus sine sorde
Simul et laudabitur
Omnis rectus corde.

5. Laus decet et gloria
Te, Deus deorum,
Colomanno gaudia
Dantem gaudiorum.

6. Iustus iste floruit

Et floret ut palma,
Quem tenet et tenuit
Alma Dei palma.

Responsoria.

1. Aspernans opprobria
Manum dat ad fortia

Martyr gloriosus,
Cohaerens constantiae
Nec cedit iniuriae
Corde generosus,
V. Pede currit praepeti,
Vivat ut in perpeti
Vita gaudiosus.

2. Virum evangelicum
Istum sicut triticum
Satanas cribravit,
Quem cum binis impiis
Apertis pro vitiis
Cruci mancipavit ;
V. Ecce, iustum quomodo
Et quali incommodo
Cum iniquis stravit.

3. Solem mundi supprimere
Fallaces et opprimere
Conantur insontem,
Mundus nequit abscondere
Iustum, quem vult extollere
Deus super montem;

V. Ad vitalem iste fontem
Venit currens iugiter
Per virtutum pontem.

4. A vesanis resteo
Suffocatur laqueo

Vir in fide fortis,
Finitur suspendio
Nullo nocens vitio

Causa carens mortis;
V. Qua suspensus fuerat,

Floreret ut restis,
Meritis acceperat

Dignus Deo testis.

In 3. Nocturno.
Ad Cantica.

A. Colomannus, gratia
Felix et insignis,
Fulget in ecclesia
Meritis et signis.

Responsoria.

1. Mens rimetur stupida,
De carne quod arida

Cruor calens manat,
Membra paralytica
Virtute salvifica
Qui recenter sanat;
V. Tanta mirabilia,
Domini magnalia,
Omnis lingua canat.

2. Corpus in Hungariam
Sanctum in angariam

Regni ferebatur,
Quod paulo post Norici
Ut resumant, supplici

Prece rex precatur.
V. Sequebatur siccitas
Et terrae sterilitas,
Fames et mortalitas

Dira grassabatur.

3. Fenestram fur ecclesiae

Intrans ob rapinam
Sua mutata facie

Recepit ferinam;
Omnis concurrit populus,
Omnis stupescit oculus

Faciem caninam.
V. Ad tumbam sancti ducitur

Populo orante,
Vultus humanus redditur

Deo miserante.

4. Abscondi non potuit

Virtutum lucerna,
Quam lucere voluit

Iesus, lux aeterna,
Filiis ecclesiae
Lumen ut det gratiae

De luce superna.
V. Colomannus roseo

Hunc mundum cruore
Illustrat et niveo

Resplendet candore.

In Laudibus.

Super Psalmos.

A. Per te post sinistrae grata,
Colomanne, munera
Amplexetur nos beata
Dei vivi dextera.

Ad Benedictus.

A. Colomanne, porrige
Manum et nos erige
Ad opus virtutis,
Vitam nostram corrige
Et in viam dirige
Pacis et salutis.

Per Horas.

Ad Primam.

t

A. Caeci, claudi, surdi, muti
Colomanni gratia
Sospitati restituti
Sunt; Deo sit gloria.

B fol. 164b sq.

Ad Tertiam.

A. Pollex pedis, latus, sura
Iusti huius hominis
Copiam sine mensura
Profudere sanguinis.

Ad Sextam.

A. Huius caro forcipe
Finditur vorante
Nec turbatur principe
Caelesti donante.

Ad Nonam.

A. Virtutum charismata
Spargens potiorum
Gaudenter ad sabbata
Migrat sabbatorum.

In 2. Vesperis.
Antiphonae.

1. Colomannus in agone
Stetit indeficiens,
Spe mercedis et coronae
Ad mortem oboediens.

2. Vere dulcis hic athleta
Christi fore meruit,
Qui subire letum laeta
Mente non abhorruit.

3. Nullus sic famelicus
Festinat ad epulum,
Ut hic homo caelicus
Currit ad patibulum.

4. Inter manus hostium
Deo factus hostia
Caeli subit ostium
Restea per ostia.

Ad Magnificat.

A. Iesu, relaxa debita

Per Colomanni merita
Nostrae corruptelae,
Pietate inolita

Bona reforma perdita,
Fons omnis medelae.