Sermo II .

Item, sermo fratris Bonaventurae Parisius.

Amicus sponsi, qui stat et audit eum, gaudio gaudet propter vocem sponsi, Ioannis tertio .

Licet Baptista sacer haec verba protulerit de se ipso, tamen possunt exponi merito de beato Ioanne Evangelista, qui inter ceteros fuit specialis amicas et dilectus Christi Sponsi, in quibas commendatur a tribus signanter et eleganter, scilicet a praerogativa peculiaris gratiae, ibi: Amicus sponsi: ab excellentia specialis sapientiae, ibi: qui stat et audit eum: ab affluentia spiritualis laetitiae, ibi: gaudio gaudet propter vocem sponsi. Sed quis est iste Sponsas, et quae est eius sponsa? Respondeo: Christus est Sponsus habens quadruplicem sponsam, scilicet humanam naturam, sanctam Scripturam, animam contemplativam, Ierusalem supernam. Super quas innititur quadruplex intellectus sanctae Scripturae, scilicet litteralis, allegoricas, moralis, anagogicas.

I. Commendatur ergo Ioannes a praerogativa gratiae in nomine amici. Fecerant autem eum amicum Sponsi haec quatuor, scilicet fidei sinceritas:

Iacobi secundo : Credidit Abraham Deo, et reputatum est illi ad iustitiam, et ideo amicus Dei appellatus est. - Animi puritas; Sapientiae septimo: In animas sanctas se transfert, amicos Dei et prophetas constituit: Proverbiorum vigesimo secundo: Qui diligit cordis munditiam propter gratiam labiorum suorum habebit amicum regem. - Obsequii humilitas: Ioannis decimo quinto : Vos amici mei estis, si feceritis quae ego praecipio vobis.

Contubernii familiaritas: Iob trigesimo sexto: Annuntiat de ea amico suo, quod possessio eius sit, et ad eam possit ascendere.

II. Audivit vero beatus Ioannes vocem Sponsi: arguentis mala, et ideo cessit mando; Iob ultimo : Auditu auris audivi te, nunc autem oculus meus videt te. Idcirco ipse me reprehendo et ago poenitentiam in favilla et cinere.

Instruentis ad bona, et ideo baesit Christo: Proverbiorum quarto: Audite, filii, disciplinam patris vestri.

Deterrentis per supplicia, et ideo valefecit inferno: Iob vigesimo sexto: Et cum vix parvam stillam sermonis eius audierimus, quis poterit tonitruum magnitudinis illius intueri?

Attrahentis per promissa, et ideo intendit paradiso: Iob quarto : Vocem eius quasi aurae lenis audivi: Canticorum secundo: Vox enim tua dulcis, et facies tua decora.

III. Fuit etiam beatus Ioannes gaudio gavisus in quatuor, scilicet in iniquitatum mundialium de-

-ploratione; Proverbiorum decimo quarto : Cor, quod novit amaritudinem animae suae, in gaudio eius non miscebitur extraneus.

In adversitatum temporalium perpessione: Iacobi primo: Omne gaudium existimate, fratres mei, cum in tentationes varias incideritis: secundae ad Corinthios septimo: Repletus sum consolatione, superabundo gaudio in omni tribulatione nostra.

In charismatum caelestium perceptione; ad Romanos decimo quarto : Non est regnum Dei esca et potus, sed iustitia et pax et gaudium in Spiritu sancto.

In suavitatum supermentalium possessione: ad Galatas quinto: Fructus autem Spiritus gaudium etc.