7. De sancta Dorothea.

In 1. Vesperis.

R. Ave, o veris primula,

Christi sponsa et filia,

Dorothea iuvencula,
In te est omnis gratia,

Humilitas, sanctitas,

Castitas,

Virtus, victoria,

Fides spes et caritas,

Benignitas,

Temperantia,

Patientia,

Spiritualis disciplina

Et oboedientia.
V. Lava nos a culpae faece;

Dulcis virgo, tua prece
Et ab omni macula.

Ad Magnificat.

A. Gaude, Cappadocia,
Proprio de germine
Pulchre insignita,
Felix super omnia,
Dorotheae sanguine
Virginis munita,
Digne plane gloriaris,
Tantis quae reliquiis
Quam Croesi divitiis
Plus locupletaris.

Ad Matutinum.
Invitatorum.

Adoremus dominantem
Christum, regem gloriae,

Stola vitae coronantem
Dorotheam hodie.

In 1. Nocturno.

Antiphonae.

1. Famosam Fabricius
Vocans Dorotheam

Tribunali ocius
Suo sistit eam.

2. Diis nostris te ponere
Iubeo libamen,
Ut evadas libere
Durum cruciamen.

3. Decrevi contemnere
Poenas temporales,
Queam ut effugere
Prorsus gehennales.

Responsoria.

1. Orbis monarchia, plaude,
Diem cole dignum laude

Dorotheae virginis,
De virtute in virtutem
Quae cucurrit ad salutem

Sacri ductu numinis.
V. Nituit virtutibus

Et morum fulgore,
Devotis operibus,

Gemino amore.

2. Angue praeses nequior,
Bellua horridior,

Sisti tribunali
Hanc hortans, diis credere
Puerosque gignere

Ritu coniugali.
V. More virginali
Horruit haec nuptias
Carnisque spurcitias,

Expers omnis mali.

3. Rosam innocentiae,
Florem pudicitae

Lutosis peccatis
Molitur inficere,
Conatur polluere

Dux impuritatis,
V. Passione roseam

Fastu vanitatis,
Puritate niveam

Actu voluptatis.

In 2. Nocturno.
Antiphonae.

1. In catasta sistitur,
Libet sic ut deis,
Sed nec sic convertitur
Neque libat eis.

2. Constans et intranda
Nec interrogata
Voce clamat vivida:
Mihi sunt haec grata.

3. Praeses, quod vis, facito,
Mortem sustinere
Pro Christo non dubito,
Quem quaero videre.

Responsoria.

1. En, Christetam cum Callisti
Fidei reformat ista

Felici consilio,
Non, ut haec audivit praese
Est ad harum poenas deses

Quas necat incendio.
V. Hae pro te sunt geminae

Margaritae

Non invite
Passae, Iesu Domine.

2. In catastam dum levatur,
Christum laudans gloriatur

Praedulci laetitia,
Lingua proloquens diserta
Ratione docet certa
Idola daemonia:
V. Nec vident nec audiunt,
Nec fantur nec sentiunt,
Sed sunt immobilia.

3. Ove virgo mitior,
Columba simplicior
Sed intemerata,
Poenarum innumera
Auge, inquit, genera
Mihi, praeses, grata.

V. Auditis Fabricius
His furit ut ebrius
Mente venenata.

In 3. Nocturno.
Antiphonae.

1. Viro debes nubere
Et secum laetari
Puerosque gignere
Atque convivari.

2. Aspernor spurcitias
Mariti mortalis,
Nam despondi nuptias
Sponsi immortalis.

3. Huius sponsi foedera
Nunquam irritabo,
Sed ad eius latera
Me semper aptabo.

Responsoria.

1. Haec suis lateribus
Accensis lampadibus

Praesidi insultat,
Caesa palmis facie
Laudes Christi gratiae

Canit et exsultat.
V. In tantis suppliciis

Virgo ridet,

Praeses stridet
Poenis cordis nimiis.

2. Ad mortem cum ducebatur,
Ad eam sic loquebatur

Subsannans Theophilus:
Sponsi tui de vireto
Mala, rosas mihi peto,

Sint ut mihi iubilus.
V. Ad haec sponsa Christi:

Plane ita faciam

Neque te decipiam,
Mittam, quae petisti.

3. Puer illa decollata

Rosas dans et mala grata

Loquitur didascalo:
Dorothea tibi misit
Haec de sacro, ceu promisit,

Sui sponsi hortulo.
V. Viso stupens xenio

Mox hic credit, Domine,

Et pro tuo nomine
Plexus cadit gladio.

In Laudibus.
Antiphonae.

1. Dorothea virginem
Christum imitatur,
Aspernatur hominem,
Ut Deo fruatur.

2. Ecce, Dei munere
Plena, res novella,
Consurgit de cinere
Terrae fulgens stella.

3. Alahastrum frangitur,
Redolet unguentum,
Granum terra moritur,
Multum dat frumentum.

4. Militavit dulciter
Dorothea Deo,
Ideo feliciter

Regnat iam cum eo.

5. Choreis caelestibus
Fraens iubilaea
Nostris pro reatibus
Ora, Dorothea.

Ad Benedictus.

A. Benedictus gloriae
Es palmam victoriae

Rex qui tribuisti
Dorotheae, stabilem
Quam, vi quoque fragilem,

Vincere fecisti

Praesidis virtutem ;
Cuius nobis precibus
Confer deprecantibus

Clementer salutem.

In 2. Vesperis.

Antiphonae.

1. Colant cum laetitia
Mentes iubilaeae
Annua sollemnia
Sanctae Dorotheae.

2. Laudis vulgat titulus
Huius castitatem,
Omnis stupet oculus
Tantam sanctitatem.

3. Scandens super sidera
Felix Dorothea,
Precatu nos libera
A culpa letea.

4. In loco agalmatum
Cum Deo deorum
Sabbatiza sabbatum
Laeta sabbatorum.

5. Nos eius pro sanguine,
Quem pro te impendit,
Fac adire, Domine,
Caelos, quos ascendit.

Ad Magnificat.

A. Castitatis annulo,

Sanctitatis podere,
Caritatis osculo,
Pietatis opere

Fulta, sponsa Iesu,
Dorothea, iugibus

Tuis nostra scelera
Deterge precatibus
Et in morte libera
Daemonis ab esu.