8. De sancto Erasmo.

In 1. Vesperis.

Antiphonae.

1. O Sion eximia,

Personando plaude,

Erasmi sollemnia

Digna colens laude.

2. O Erasme, fidei

Pugil, per te gentes

Meruerunt provehi

Ad caelos gaudentes.

3. O qui pellis citharam

Das poenis plagarum,

Sic evertens Sisaram

Ducem tenebrarum !

4. O martyr et pontifex,

Obsta multa prece,

Ne nos mille-artifex

Culpae fuscet faece.

5. O decus ecclesiae,

O norma virtutis,

Duc nos via gratiae

Ad fora salutis.

R. Gaudet Anastasius,

A morte cum filius

Suus suscitatur,

Risus frequentatur,

Deum plebs dignificat,

Erasmum magnificat,

Credit et laetatur.

V. Baptismi tunc gratia

Restituti

Sunt saluti

Quadraginta milia.

Ad Magnificat.

A. O mater ecclesia,

Omni digna gloria,

Gaude iubilando,

Erasmi praeconium

Praesulis eximium

Canens exorando,

Soluti reatu

Sanctis cum christiolis

Iungamur caelicolis

Eius ut precatu.

Ad Matutinum.

Invitatorium.

Adoremus Dominum,

Deum, patrem luminum,

Salvemur ut meritis

Erasmi antistitis.

In 1. Nocturno.

Antiphonae.

1. Fructum suo tempore

Erasmus donavit,

Talentum cum foenore

Quia reportavit.

2. Quare cum insania

Fremuerant gentes

Verba per inania

In sanctum rigentes?

3. Dominus mirificat

Suum sanctum hodie,

Quem polo laetificat

Laureatum gloriae.

6. Domine, non habitat

Iuxta te malignus,

Sed qui se nobilitat

Ut Erasmus dignus.

7. Omnia sub pedibus

Eius subiecisti,

Iesu, caeli civibus

Eum cum iunxisti.

8. Sicut passer volitat

Erasmus ad montem,

Virtute se excitat

Vitae gustans fontem.

Responsoria.

1. Cum a Diocletiano,

Imperatore profano,

Damnatur ecclesia,

In Christi fide constantes,

Idolis non immolantes

Sufferunt supplicia;

V. Deo grates referunt

Christiani,

Mente sani

Tura cordis offerunt

2. Eremi silentia

A Deo vocatus

Expetit industria

Erasmus beatus,

V. Spretis mundi noxiis

Angelornm

Beatorum

Fungitur alloquiis.

3. Tribunali sistitur,

Iurgiis discutitur,

Minis fatigatur,

Offerat ut idolis

Tura, verbis subdolis

Praesul invitatur.

V. Cum sprevisset idola,

Multo fuste

Sed non iuste

Pravis fit parabola.

4. Erasmus, vir lepidus,

Effatur intrepidus,

Omnis expers mali,

Fideles aedificat,

Christum Iesum praedicat

Astans tribunali ;

V. Vera fide rutilat

Hic athleta,

Mente laeta

Deo laudes iubilat.

In 2. Nocturno.

Antiphonae.

1. Operans iustitiam

Mali fugat pestem

Erasmus in patriam

Graditur caelestem,

2. Erasmi in capite,

Deus, glorioso

Coronam de lapide

Ponis pretioso.

3. Portas vestras tollite,

Principes superni,

Militem suscipite

Iam regis aeterni.

4. Nuntiavit opera

Miserentis Dei,

Ideo ad aethera

Fit dux Deus ei.

5. Laus decet et gloria

Te, Deus deorum,

Erasmo qui gaudia

Confers gaudiorum.

6. Erasmum, qui floruit

Et floret ut palma,

Et tenet et tenuit

Alma Dei palma.

Responsoria.

1. Offero non sculptili

Neque Deo futili,

Verum Christo soli;

Auras maculantia

Spargere eloquia

Tu, rex, ergo noli;

V. Colere sculptilia

Non est aptus

Nisu captus

Caecae mentis furia.

2. Carcere includitur,

Multo ferro premitur

Rege ordinante,

A ferro et carcere

Solvebatur propere

Angelo praestaate;

V. Dei transit gratia

Mox pasillam

In favillam

Ferrea materia.

3. Satanae versutias,

Carnales nequitias

Erasmus evertit

Et signis et dogmate

Quam plures baptismate

Ad Christum convertit.

V. Admirando studio

Se severae

Sternunt ferae

Ipsius vestigio.

4. Suspexit ad aethera,

Sua quando latera

Truduntur plumbatis,

Inter tot angustias

Deo refert gratias

Praeco veritatis ;

V. Cum pro Christi gloris

Tormentatur,

Cumulatur

In ipso laelitia.

In 3. Nocturno.

Ad Cantica.

A. Transgredi cum potuit,

Nunquam est transgressus

Erasmus, ut voluit,

Caelos est ingressus.

Responsoria.

1. Erasmus cum rege Iovis

Templum intrat bellis novis,

Gemitu et precibus

Idolum mox fractum ruit

Et incineratum fuit

Gentibus stupentibus:

V. Ex quo statim proruit

Draco dirus,

Spargens virus

Viros multos necuit.

2. Infiguntur digitis

Erasmi antistitis

Subulae letales,

Quem circumdant ferrea

Tunica et ignea

Viri bestiales;

V. Tot inter martyria

Velut agnus

Praesul magnus

Stat gaudens victoria.

3. Confregere subdola

Mox gentiles idola

Miris visis tantis

Et baptismi gratia

Currunt ad praesidia

Summi dominantis ;

V. Exsultet ecclesia,

Cum dementes

Volant gentes

Ad Dei obsequia.

4. Tyranni imperio

Cum Erasmus gladio

Triumphans finitur,

Omni dignus gloria

In caelesti curia

Gaudio potitur;

V. Victrix ridet veritas,

Dum confusa

Et delusa

Regis stridet feritas.

In Laudibus.

Antiphonae.

1. Regnans Deus induit

Erasmum decore,

Nam in mundo claruit

Praesulis honore.

2. Cum Erasmo Domino

Una iubilemus,

Caeli sine termino

Regnum ut intremus.

3. Sprevit transitoriam

Erasmus salutem,

Videret ut gloriam

Dei et virtutem.

4. Hic cum sacerdotibus

Sanctis benedicit

Deum in caelestibus,

Quia mundum vicit.

5. Erasmum divinitus

Foventem tutelis,

Omnis laudet spiritus

Dominum de caelis.

Ad Benedictus.

A. Cordis nostri lora spasmi,

Iesu, dulcis Domine,

Sacri dissolve Erasmi

Devoto oramine,

Ne ut noctuae erremus

Mortis in caligine,

Sed ut aquilae ovemus

In te vero lumine.

Per Horas.

Ad Primam.

A. Morti se impendit iste

Pro amore tuo, Christe,

Plus quam ad convivia

Volans ad supplicia.

Ad Tertiam.

A. Erasmus vi rapuit

Caelum dignus Deo,

Poenarum hoc meruit

Insigni tropaeo.

Ad Sextam.

A. De virtute iugiter

Ibat ad virtutem

Erasmus feliciter

Lucrando salutem.

Ad Nonam.

A. Erasmi praesentia

Fructu meritorum

Cumulantur gaudia

Incolis polorum.

In 2. Vesperis.

Antiphonae.

1. Erasmo coniubilant

Astra matutina,

Cuius gesta rutilant

Hora vespertina.

2. Erasmo sagacitas

Data serpentina

A Deo simplicitas

Est et columbina.

3. Blandimenta spuria

Erasmus spernendo

Superna palatia

Subit patiendo.

4. Excedens aromata

Odore virtutis

Migrat ad agalmata

Aeternae salutis.

R. Ecce, granum moritur

Terrae clausum palea,

Erasmus occiditur

Regis quando framea,

Agalma ingreditur

Mira fulgens trabea,

V. Vitae fretus galea

Mortis trucem

Fugans ducem

Fidei de vinea.

Ad Magnificat.

A. Magnificent Dominum,

Amatorem hominum,

Omnes mundo corde,

Erasmi supplicibus

Diluamur precibus

Ut ab omni sorde.