9. De sancto Georgio.

In 1. Vesperis.

1. Gaude, Cappadocia,
Laudis cum tripudio
Clara de prosapia
irente Georgio.

2. O stupor, o res novella,
Dei plena munere,
Ex imo consurgit stella,
Lilium de cinere.

3. Adolet virtutibus
Genere tribunus,
Claris vernans moribus
Gratiae per munus.

4. Puber in militia
Prudenter agebat,
Palaestinam gratia
Domini vincebat.

5. Altiores gratiae

Gradus tunc ascendit,
Quibus metas gloriae
Felix apprehendit.

R. Alabastrum frangitur,
Et ubique spargitur

Unguenti fragrantia;
Pro Deo egregius
Multatur Georgius

Capitis sententia ;'
V. Gaudens de victoria

Martyr ridet,

Praeses stridet
Et callet vesania.

Ad Magnificat.

A. Caelum gaude, terra plaude,
Festum adest dignum laude,

Omni plenum gaudio,
In quo, Georgi, profanum
Deiecisti Dacianum
In agonis stadio ;

Nobis erge praesta precum
Tuarum praesidio,

Ut vivamus semper tecum
In caeli palatio.

Ad Matutinum.

Invitatorium.

Coronantem Georgium

Omnis creatura
Regem adoret omnium.

In 1. Nocturno.

Antiphonae.

1. Beatus Georgius
Viam peccatorum
Fugit currens ocius
Semitas iustorum.

2. Quare fremunt impiae
Contra pium gentes
Eidem nequitiae
Vulnus inferentes?

3. Circumdantes populos
Sese non timebat,
Gratiarum titulos
Domino promebat.

Responsoria.

1. Tribunus eximius,
Cappadox Georgius

Sanctus natione
Adventat in Lybiam,
Regis ubi filiam

Salvat a dracone;
V. Quater quinque milia

Sacrat eo

Die Deo
Baptismali gratia.

2. Terretur egregius
Ut vidit Georgius

Plures immolare,
Omnia pauperibus
Sua dat ex omnibus
Nulla servata re;
V. Idola gentilia

Cuncta sunt daemonia,
Proclamavit clare.

3. Daciano praeside
Ferali tyrannide

Pios persequente
Christiani cunei,
Professores fidei,

Latent aegra mente ;
V. His quidem innumera

Intentantur

Et parantur
Tormentorum genera.

In 2. Nocturno.

Antiphonae.

1. Invocantem statuit

Hunc in pace Deus,
Qui pro Deo studuit
Patri iubilaeus.

2. Huius verba merito,
Iesu, percepisti,
Suae vitae merito
Quem benedixisti.

3. Honore et gloria
Coronatur iste,
Glorians in patria
Caeli tecum, Christe.

Responsoria.

1. Levat in eculeum
Martyrem aethereum

Livor Daciani,
Corpus cuius ungulis,
Latus torquent faculis

Tortores insani;

V, Frendenter vulneribus
Sal intricant
Atque fricant
Sanguinem rorantibus.

2. Magus Athanasius
Stupens, cum Georgius

Ebibit venenum,
Errores mox abicit,
Fidei cor subicit

Totum fide plenum;
V. Capitis sententia

Dat plectendum

Et perdendum
Regis hunc insania.

3. Bis acutis ensibus

Rota fabricatur,
Viri Dei talibus

Corpus ut scindatur,
Quae confracta nutibus

Dei adnullatur;
V. Exsultat iucundius

Sanus rota

Rupta tota
Beatus Georgius.

In 3. Nocturno.

Antiphonae.

1. Passer solitarius

Transmigrans in montem,
Transilit Georgius
Ad vitae sic fontem.

2. Non accepit munera
Super innocentes,
Ascendens ad sidera
Evadit nocentes.

3. Eius desiderium
Ei tribuisti,
Hnnc cum super solium
Caeli posuisti.

Responsoria.

1. Ignita sartagine
Probatas examine

Plumbi Christi miles
Praesidis insaniam
Spernit et nequitiam

Tortoresque viles;
v . Signo crucis edito

Vicit trucis

Iras ducis
Dei servus subito.

2. Templum totum frivolis
Exurit cum idolis

Iunctis sacerdotibus
De caelis adveniens
Ignis, cuncta glutiens

Viri Dei precibus:
V. Exustorum spurias
Istorum reliquias,

Se tellus aperuit

Et cuncta absorbuit.

3. Regina gentilium
Ob poenas fidelium
Dure regi fatur,
Quae suspensa crinibus
Iussu regis gravibus
Flagris laceratur ;
V. Orante Georgio
Regina cum gaudio
Caelis sociatur.

In Laudibus.

Antiphonae.

1. Dominus Georgium
Induit decore,
Paratum est solium
Cuius in honore.

. 2. In dulci solacio

Omnis terra iubilat
Cum sancto Georgio,
Qui velut sol rutilat.

3. Iniqua loquentium
Deus os obstruxit,
In polum Georgium
Quando introduxit.

4. Laus et benedictio
Sit Deo viventi,
Qui sancto Georgio
Astitit vincenti.

5. Pro triumpho penitus
Sancti tam fidelis
Laudet omnis spiritus
Dominum de caelis.

Ad Benedictus.

A. Cornu nobis hodie
Salutis et gratias,
Martyrem egregium,
Beatum Georgium,
Dominus erexit,
Qui castra ecclesiae
De mucrone Goliae
Non tutela clipei,
Sed virtute fidei
Valenter protexit;
Cuius solve meritis

Et oratione
Nos a nostris debitis,
Christe Iesu bone

Per Horas.
Ad Primam.

A. Laudibus Georgium

Digne veneremur,

Canticis praeconium

Eius modulemur.

Ad Tertiam.

A. Pietatis viscera
Deus dilatavit,
Istum cum sub dextera
De laeva locavit.

Ad Sextam.

A. Iste Deo placuit
Insigni tropaeo,
Vi ita arripuit

Caelum dignus Deo.

Ad Nonam.

A. Cumulavit gaudia
Incolis caelorum,
Hic cum in consortia
Transmigrat eorum.

In 2. Vesperis.
Antiphonae.

1. Iustus iste floruit

Velut flos venustus
Nec aestu defloruit
Culparum robustus.

2. Stolam suam sanguine
Veri lavans agni
Triumphi solamine
Gratulatur magni.

3. Lilium hoc hodie
De terra succisum
Placens regi gloriae
Ornat paradisum.

4. In caelis hic hodie
Stola serenatur,
In terris qui gratiae
Munere ditatur.

5. Exsultans primaria
Stola laureatus
Certus est de alia
Martyr trabeatus.

Ad Magnificat.

A. O Georgi, spiritus
Tuus iam medullitus

Exsultat in Deo,
Unus enim penitus
In aeternum spiritus

Est factus cum eo.

10. De sancta Gertrude.

In 1. Vesperis.

Antiphonae.

X. Annua sollemnia

Gerdrudis praeclarae
Frequentat ecclesia
De mari ad mare.

2. Diem hunc mirificat
Ipsius natalis,
Coetus quem dignificat
Etiam regalis.
3. A eternam feliciter
Intrando salutem
De virtute iugiter
Ibat ad virtutem.

4. Suam laudis titulus
Vulgat bonitatem,
Omnis stupet oculus
Tantam sanctitatem.

5. Iuncta poli coetibus
Apud regem caeli
Prece nobis omnibus
Sucurrat fideli.

R. In puteum labitur
Infans et defungitur
Matre perturbata;
Ad lectum ut ponitur
Gerdrudis, regreditur
Anima sublata.
V. In tantis fit credula
Mater, vota sedula
Fert prius negata.

Ad Magnificat.

A. O lampas ecelesiae,
Sponsa regis gloriae,
Spes nostra optata,
Gerdrudis sacrata,
Cuncta mentis impia
Nostrae supplex expia
Tua prece grata.

Ad Matutinum.
Invitatorium.

Adoremus triumphantem
Christum super omnia,

Stola vitae purpurantem
Gerdrudem in gloria.

In 1. Nocturno.

Antiphonae.

1. Iugum sanctum teneris
Deo ordinante
Portat haec in umeris
Corde gratulante.

2. Horruit spurcitias
Mariti mortalis,
Despondit nam nuptias
Sponsi immortalis.

3. Sui sponsi foedera

Christus non mutavit.
Ad cuius se vulnera
Iugiter aptavit.

Responsoria.

1. Coram matris pedibus
In Christi fit legibus

Ista gratiosa,
Deo et hominibus
Placuit in omnibus
Factis virtuosa ;
V. Vultus fulget gloria,
Animi prudentia
Tota generosa.

2. Cum inter convivia
Pater ad conubia

Gerdrudem hortatur
Ira clamans obvia,
Iurat, quod ad spuria
Carnis non trahatur ;
V. Iesum, Dei filium,
Sponsum et non alium
Suum protestatur.

3. Suis cum proceribus
Rex et sapientibus

Rem tantam miratur.
Talis quod iuvencula,
Annis adhuc parvula,

Tam sancte loquatur ;
V. Felix hoc propositum

A cunctis laudatur,
Nec eius oppositum

Quisquam loquebatur.

In 2. Nocturno.

Antiphonae.

1. Amat parcimoniam
Carnem macerando,
Fugit Gastrimargiam
Domino vacando.

2. Gratiae monilibus
Scintillat ornata,
Amatur ab omnibus
Virgo Deo grata.

3. Se iussis legalibus
Prudenter aptavit
Nec ullis recessibus
Ab his deviavit.

Responsoria.

1. Insurgunt iniurgiae
Et matri et filiae
Moriente rege;
A matre iuvencula
Tondetur, ne fabula
Sit in Cypris grege ;
V. Tonsa dat eximias
Gaudens Deo gratias
Christiana lege.

2. Disparet discordia,
Reginam cum filia

Quae grassans deiecit,
Adventat concordia
Omni plena gratia,

Quae pacem refecit.
V. Satanae versutia

Penitus defecit,
Et Christi victoria

Dulciter profecit.

3. Suis cum sodalibus
Praefertur virginibus

Sacris sumptis velis,
Nam florebat gloria
Virtutum et fragrantia
Morum haec fidelis;
V. Vacavit vigiliis,
Precibus, ieiuniis,
Conversans in caelis.

In 3. Nocturno.
Antiphonae.

1. Felix haec et inclita
Nullis fusca malis,
Virtutum per merita
Angelis aequalis.

2. Haec sumptis lampadibus
Christo obviavit,
Secum caelos passibus
Amoris intravit.

3. Suam nobis porrigat
Manum gratiosam
Et ad viam dirigat
Caeli gaudiosam.

Responsoria.

1. Vices dum per varias
Haec materfamilias

Preci incumbebat,
Sphaeram flammae inclita
Cernens ipsa territa
Suspensa pavebat;
V. Flammam secundario
Super hanc devotio
Sororum videbat.

2. Legati huius naufragi
Una ruunt in pelagi

Fluctus corde tristi,
Evadunt mox cum gaudio
Uno clamante tertio:
Assis, virgo Christi.
V. Gaude, Gertrudis regia,
Quae tanta beneficia
Dare meruisti.

3. Astantum praesentia
Spirat redolentia

Mirandi dulcoris,
Eius dum sanctissima
Regnum subit anima
Vitae et honoris;
V. Praesentes eximiam
Magnificant gloriam
Nostri redemptoris.

In Laudibus.
Antiphonae.

1. Dominus hanc induit
Virginem decore,
Ipsi quia congruit
Eius sponsa fore.

2. Omnis terra, cordibus
Deo iubilate,
Cum Gerdrude laudibus
Ipsum exaltate.

3. Ad te ista vigilat
De luce fidelis,
Deus, tibi rutilat
Quae ceu sol in caelis.

4. Sponsa sacra Domini
Deo benedixit,
Hostis nam temptamini
Semper contradixit.

5. Gerdrudis in tympano
Laudavit fidelis
Et chordis et organo
Dominum de caelis.