Sermo V .

Item, sermo fratris Bonaventurae apud Assisinm.

Hic est discipulus ille, quem diligebat Iesus, Ioannis ultimo .

Describitur beatus Ioannes ut vita et fama praeclarus et ut gratia et praerogativa privilegiatus. Primum, ibi: Hic est discipulus ille: secundum, ibi: quem diligebat Iesus.

Notandum circa haec omnia, quod beatus Ioannes fuit vita.et fama praeclarus, quia discipulus : affectionum puritate mirabilis: Ioannis decimo tertio : Erat recumbens unus ex discipulis eius in sinu Iesu, quem diligebat Iesus.

Virtutum fecunditate venerabilis: Ioannis ultimo: Hic est discipulus ille, qui testimonium perhibet de his et scripsit haec etc. - Exemplorum claritate spectabilis:. Matlhaei decimo: Sufficit discipulo, ut sit sicut magister eius. Perfectus autem omnis erit, si sit sicut magister eius. - Morum gratiositate amabilis: Ioannis decimo octavo : Discipulus autem ille erat notus pontifici etc.

Actuum strenuitate laudabilis: Ioannis decimo octavo: Discipulus autem ille introivit cum Ieiu in atrium pontificis.

Documentorum nobilitate singularis: Ioannis decimo quinto : In hoc clarificatus est Pater meus, ut fructum plurimum offeratis et efficiamini mei discipuli.

Contemplationum subtilitate peculiaris: Ioannis ultimo: Dixit discipulus ille, quem diligebat Iesus, Petro: Dominus est. - Compassionnm pietate praecordialis: Ioannis decimo tertio: In hoc cognoscent omnes, quia discipuli mei estis, si dilectionem habueritis ad invicem. - Orationum sedulitate caelestis; Ioannis decimo nono : Cum vidisset ergo Iesus iuxta crucem Matrem et discipulum stantem, quem diligebat, dicit Matri suae etc.

Sehmo VI . Item, sermo fratris Bonaventurae apud Assisinm.

Dilectus Deo et hominibus, cuius memoria in benedictione est, Ecclesiastici quadragesimo quinto .

Describitur in verbis his beatus Ioannes ut universaliter gratificatus et approbatus in caelo et in terra et ut singulariter commendatus et celebratus a tota Ecclesia. Primum, ibi: Dilectus Deo et hominibus: secundum, ibi: cuius memoria in benedictione est.

Fuit autem beatus Ioannes merito dilectus Deo et hominibus, dum viveret: propter caeliformes nitores puritatis virgineae ; Osee undecimo : Puer Israel, et dilexi eum.

Propter luciformes fulgores claritatis intelligentiae; Ioannis decimo quarto: Ego diligam eum et manifestabo ei me ipsum.

Propter pulcriformes decares sanctitatis vitae; Marci decimo: Iesus autem, intuitus eum, dilexit eum.

Tropter multiformes ardores salutis fraternae; Ecclesiastici quadragesimo sexto : Dilectus a Domino Deo suo Samuel, propheta Domini, renovavit imperium etc.

Propter chrisliformes amores suavitatis internae; secundi Regum duodecimo: Vocavit nomen eius Salomon, et Dominus dilexit eum. Et vocavit nomen eius: Amabilis Domino, eo quod diligeret eum Dominus.

Propter altiformes ordines contemplationis supercaelicae: Genesis trigesimo septimo: Israel autem diligebat loseph super omnes filios suos. Sequitur ibi, quomodo vidit per somnium etc. - Propter deiformes dispositiones interioris conscientiae: primi Regum decimo octavo: Dilexit Ionathas David quasi animam suam etc.