12. De sancta Martha.

In 1. Vesperis.
Antiphonae.

1. Universi iubilans
Gaude monarchia,
Fulget in te rutilans
Ut sol Martha pia.

2. Crescat nobis gaudium
Martbae de natali,
Quae sumpsit exordium
Tribu de regali.

3. Viruit virtutibus

Et fulgore moram
Per viam in omnibus
Currens mandatorum.

4. Ista vernans moribus,
Fide et virtute
Sit recens precatibus
Nostra pro salute.

R. Solis amicta pallio,
Martha, salve, eximia,
Dei complaces filio,
In te est omnis gratia,
Humilitas, sanctitas,
Castitas,
Virtus, victoria,
Fides, spes et caritas,
Benignitas,
Temperantia,
Patientia,

Spiritualis disciplina
Et oboedientia.

V. In Iesu, quem dilexisti,
Nostra solve crimina
Tua per oramina,
Dulcis sponsa Christi.

Ad Magnificat.

A. Pietate solita,

O Martha fidelis,
Plane dulcis hospita

Domini de caelis,

Adesto tutelis,
Medelis et precibus,
Salva nos ab omnibus

Culpae corruptelis.

Ad Matutinum.
Invitatorium.

Adoremus dominantem
Christum, regem gloriae,

Stola vitae laureantem
Martham sacram hodie.

In 1. Nocturno.

Antiphonae.

1. Honore et gloria
Purpuratur ista
Gratulans in patria
Caeli citharista.

2. Exsultat viriliter

Currens haec ut gigas,
Iesu, quam feliciter
Rore vitae rigas.

3. Portas vestras tollite,
Principes superni,
Hospitam suscipite
Regis hanc aeterni.

4. Tuis, Martha, labiis
Gratia diffusa
Corda reddit muniis
Divinis confusa.

5. Marthae fortitudine

Conturbantur montes,
Cuius sanctitudine
Laetantur insontes.

6. Regis magna civitas,
Martha laetabunda,
Tua cunctis sanctitas
Est causa iucunda.

Responsoria.

1. Corde toto sospita,
Iesu Christi hospita,

Genere regalis,
Martha felix, inclita,
Per virtutum merita
Angelis aequalis,
V. Famae gaudet gloria,
Opum claret copia
Cunctis obstans malis.

2. Angelorum dominum,
Ad salutem hominum

Qui venit in mundum,
Recepit hospitio
Martha cum solacio

Praebens huic cor mundum,
V. Hospitem tam nobilem,
Tam desiderabilem.

3. Omnino amabilis
Hospita haec nobilis

Christo ministrabat,
Secum ad obsequia
Venire comparia

Sororem optabat,

V. Hospiti sufficere
Tanto, tali opere

Mundum non putabat.

4. Servis et militibus,
Iustis et pauperibus

Dapes praeparabat,
Tali ministerio
Dei patrocinio
Sedulo vacabat ;
V. Erga plura turbida,
Mente tamen vivida
Frequenter sudabat.

In 2. Nocturno.
Antiphonae.

1. Divina iustitia

De caelo prospexit,
Martham cum ad gaudia
Caelorum evexit.

2. Eius sunt in montibus
Sanctis fundamenta,
Vixit nam legalibus
Praeceptis intenta.

3. Novum Deo canticum
Ista decantavit,
Super thronum caelicum
Qui hanc exaltavit.

4. Nuntiant iustitiam

Tuam, Martha, caeli
Populique gloriam
Sermone fideli.

5. Fecit mirabilia
Dominus salutis
Plantans inter lilia
Hanc multae virtutis.

6. Dei testimonia

Haec ut custodivit,
Hinc in caeli curia
Et regnat et vivit.

Responsoria.

1. Haec ab infidelibus
Est iniecta ratibus

Pauca cum cohorte,
Remorum subsidii,
Ciborum solacii
Destituta sorte;
V. Advehunt Marsiliam
Aquis, tunc Provinciam
Fidei dant portae.

2. Dentes equo longior
Draco, bove grossior,
Ceu spata habebat,
Qui in arane latuit,
Transeuntes rapuit,
Naves submergebat ;
V. Tam a saeva bestia
Dei Martha gratia
Populum solvebat.

3. Iuxta quendam fluvium
Tandem monasterium

Devote fundavit,
Ubi haec ieiuniis,
Precibus, vigiliis
Domino vacavit;
V. Vitans castrimargiam
Solam parcimoniam
Ardenter amavit.

4. Iuvenis navigio
Quidam carens fluvio
Praesumpsit natare,
Fluenti vi rapitur
Et morti addicitur
Submersus amare;
V. Hunc de mortis funere
Festinat praepropere
Martha suscitare.

In 3. Nocturno.

Ad Cantica.

A. Martha, non vocaberis
Ultra derelicta,
Gloria, qua frueris
In caelis, amicta.

Responsoria.

1. Suae sacrae spiritus
Sororis divinitus
Deo operante
Receptus in patria
Est multa cum gloria
Martha conspicante,
V. Quae turbam astantium
Hortatur ad gaudium
Voce gratulante.

2. Ante mortem gravibus
Haec per annum febribus

Languens aestuavit,
Mortis videns aditum
Suum statim obitum
Palam nuntiavit,
V. Terrae carnis debitum,
Deo autem spiritum
Suum praesentavit.

3. Domine, egregias
Celebras exsequias

Cum sancto Frontone
Felici et inclitae
Marthae, tuae hospitae,
Divine colone,
V. Hanc terrae cineribus
Vestris datis manibus
Fausta unctione.

4. Chlodovaeus Franciae
Rex in regis gloriae

Fide baptizatur,
Renum pestem patitur,
Bustum Marthae petitur,
Sospitati datur ;
V. Locum rex gratificat,
Opibus magnificat,
Hymnis veneratur.

In Laudibus.
Antiphonae.

1. Multo Martham induit
Dominus decore,
Cuius sedem posuit
Magno in honore.

2. Omnis terra, Domino
Deo iubilate,
Martham sine termino
Laudibus ornate.

3. Deus, ad te vigilat
De luce fidelis
Martha, tibi rutilat
Quae ut sol in caelis.

4. Caeli, benedicite
Domino caelorum
Et tam sanctam iungite
Choris angelorum.

5. Tantis pro virtutibus
Marthae tam fidelis
Iubilemus laudibus
Domino de caelis.

Ad Benedictus.

A. Cornu Deus hodie
In domo ecclesiae

Salutis erexit,
Marthae patrocinium
Omne contra noxium

Dum nobis direxit.

P e r Horas.

Ad Primam.

A. Redemptoris hospita
Nostri gloriosa
Sua sit per merita
Nobis fructuosa.

Ad Tertiam.

A. Salus mundi, Domine,
Per crucis mucronem
Tuo haec in nomine
Deiecit draconem.

Ad Sextam.

A. Marthae prece Lazarus
Gaudet suscitatus,
Quem vorarat tartarus
Ad poenas paratus.

Ad Nonam.

A. Martha, florens lilium
Hospitalitatis,
Dei placa filium

Nostris pro peccatis.

In 2. Vesperis.
Antiphonae,

1. Annua sollemnia

Marthae recolentes
Aptemus ad gaudia
Diva nostras mentes.

2. Virtutum monilibus
Ista purpurata
Unitur caelestibus
Deo semper grata.

3. Inventam rex gloriae
Ista margaritam
Coronavit hodie
Longius quaesitam.

4. A Martha congeritur

Cum vir utum schema,
Ipsi superponitur
[Splendens diadema].

Ad Magnificat.

A. In Deo medullitus
Exsultat iam spiritus

Marthae generosae,

Mole gratiose
Solutus corporea
Migrat ad aetherea

Regna gaudiose.