13. De sancta Petronella.

In 1. V esp eris.
Super Psalmos.

A. O mater ecclesia,
Gaude et laetare,
Quia natalitia

Petronellae clarae
Colit cum laetitia
Caelum, terra, mare.

Ad Magnificat.

A. In sinu ecclesiae
Nata dulcis hodie

Virgo Petronella,
Assit nobis, vivida
Prece delens livida

Mentis nostrae fella.

Ad Matutinum.
Invitatorium.

Adoremus Dominum,
Mundi conditorem,

Christum, sponsum virginum,
Nostrum redemptorem.

In 1. Nocturno.

Antiphonae.

1. Omnia sub pedibus
Petronellae ponis,
Hanc, Iesu, caelestibus
Collocans in thronis.

2. Iussa Dei lucida
Omni sine sorde
Petronella florida
Laeto complet corde.

3. Portas vestras tollite,
Principes caelorum,
Virginem hanc iungite
Choris angelorum.

Responsoria.

1. Te caelestis ierarchia,

Petronella, virgo fausta,
Dulci laudans melodia
Tua probat holocausta;

V. Iesus, princeps gloriae,
Suam margaritam
Te coronat hodie
Diu concupitam.

2. Floribus honoris fulta,
Fructibus virtutum culta,

In mente et corpore,
Petronella, virgo casta,
Pia prece nobis asta
Nunc et omni tempore,
V. Caritate pupurata,
Castitate laureata
Puritatis foenore.

3. Aestuabat gravibus
Petronella febribus

Annis pubertatis,
Sanitate fungitur,
Dum in Deo figitur

Gradu sanctitatis ;
V. Corpus parcimonia

Studet castigare,
Sine castrimargia

Domino vacare.

In 2. Nocturno.
Antiphonae.

1. Tuis est in labiis
Gratia diffusa,
Virgo felix, noxiis
Quae non es confusa.

2. Huius fortitudine

Montes sunt turbati,
Cuius sanctitudine
Caeli sunt laetati.

3. Virgo dulcis, civitas
Dei gloriosa,
Vitae lucet puritas
In te gratiosa.

Responsoria.

1. Hostis innocentiae,
Latro pudicitiae,
Praedo castitatis

Conatur diruere,
Nititur polluere

Domum sanctitatis,
V. Caritate roseam,
Castitate niveam,

Dux iniquhatis.

2. Pugnam innocentiae,
Bellum pudicitiae
Clipeo prudentiae

Victrix haec perfecit,
Omni petulantiae
Omnique lasciviae

Se prorsus obiecit;
V. Triumphat hic castitas,

Satanas defecit,
Superat integritas,

Deus hoc effecit.

3. Mali fugis fomitem

Cum mundi procella,
Flaccum spernis comitem,

Felix Petronella,
Petis cum laetitia
Polorum fastigia,

O dulcis puella ;
V. Vultus vernas gloria,

Rubens plus quam rosa,
Omni plena gratia,

Tota gaudiosa.

In 3. Nocturno.

Antiphonae.

1. Magnus et laudabilis
Dominus est nimis
Tollens hanc instabilis
De mundi ruinis.

2. Iusto lux exoritur,
Angelus laetatur,
Haec dum mundo tollitur
Et caelo locatur.

3. Fecit mirabilia

Dominus caelorum,
Istam inter lilia
Plantans superorum.

Responsoria.

1. Acceptis induciis
Hanc suis dum nuptiis

Comes postulavit,
Virgo morti debitum,
Deo reddit spiritum,

Qui cuncta creavit;
V. Exactorem criminum

Felici constantia,
Sponsum vincit virginum

Cum precis instantia.

2. Amoris haec passibus

virgo manicavit
Et Christo lampadibus

Sumptis obviavit,
Nam cum sapientibus
Vigilans cum segnibus

Nunquam dormitavit;
V. Cum sponso caelestia
Pernox ad convivia

Iubilans intravit.

3. O lampas luciflua,

Vitae spargens lumen,
O apis melliflua

Cordis pascens frumen,
Sacris ora precibus
Et nostris reatibus

Veniam implora,
V. Fidei ut lumine

Noster intellectus,
Amoris dulcedine

Pascatur affectus.

In Laudibus.

Antiphonae.

1. Gaude, virgo, nobili
Quia super aurum
Fers in vase fictili
Caelestem thesaurum.

2. Fructum fers centesimum,
Dulcem et obesum.
In quo scimus plurimum
Delectare Iesum.

3. Ita virgo virginem
Christum imitatur,
Aspernatur hominem,
Deo ut fruatur.

4. Petronella, filia
Dei o sacrata,
Inter caeli lilia

Flores transplantata.

5. Lilium convallium,
Rosa caritatis,
Dei placa filium

Nostris pro peccatis.

Ad Benedictus.

A. O divina rosa,

Petronella, fide pretiosa,
O lampas caeli,

pro nobis voce fideli
Iugiter exora,

salvemur mortis ut hora.

In 2. Vesperis.
Antiphonae.

1. Haec est sine macula
Ante Dei thronum,
Sine mali facula

Semper agens bonum.

2. Virgo felix sequitur

Agnum Dei, Christum,
Quocumque progreditur,
Mundum spernens istum.

3. Cum thronus eburneus
Haec sit Salomonis,
Nescit, quid sit aureus
Calix Babylonis.

4. Non oblita fasciae
Suae pectoralis,
Digno sponso gloriae
Digna conthoralis.

5. Domum mutans luteam
Se counit Deo,
Volat ad sideream
Corde iubilaeo.

Ad Magnificat.

A. Laetare in gaudio,
Petronella grata,
Caelesti tripudio

Digne sociata,
Consecrata lilio
Vallis, Dei filio,

Gaude, o sacrata.