14. De ss. Simone et Iuda.

In 1. Vesperis.

Antiphonae.

1. O mater ecclesia,
Iubilando lude,
Colens natalitia
Simonis et Iudae.

2. Duo isti pugiles
Domini virtute
Pugnaverunt stabiles
Mundi pro salute.

8. Dulcis quod es, Domine,
Isti gustaverunt,
Pro tuo se nomine
Ultro impenderunt.

4. Alabastrum frangitur
Ut in morte horum,
Vis unguenti spargitur
Usui multorum.

5. In caelesti patria
Nobis, Iesu, dona
Horum pro victoria
Regnum cum corona.

R. Regem Babyloniae
Sancti idolatriae
Trahunt ab errore
Salubri labore,
Quem baptismi gratia
Confirmat in latria
Et Dei amore;
V. Diro cum fervore
Quos fera gens obruit,
Horum rex mox construit
Templum in honore.

Ad Magnificat.
A. O Sion, tripudia,
Ornant natalitia

Quam apostolorum
Thaddaei et Simonis,
Qui calcarunt daemonis

Vires vi donorum,

Interventu quorum
Tuo lotos sanguine,
Sabbatum da, Domine,

Nobis sabbatorum.

Ad Matutinam.
Invitatorium.

Adoremus unum Deum
Psalmis, hymnis, latria,

Simonem qui et Thaddaeum
Beavit in gloria.

In 1. Nocturno.
Antiphonae.
1. Dei narrant gloriam
Simon et Thaddaeus,
Ad caeli laetitiam
Quos vocavit Deus.

2. Multa tribulatio
Iustos flagellavit,
De qua miseratio
Dei hos salvavit.

3. Super terram principes
Eos statuisti,
Domine, municipes
Quos caeli fecisti

Responsoria.
1. Supernus agricola,
Terrae factus incola,
Vineam plantavit,

In qua operarios
Hos tuos et alios

Plurimos locavit,
V. Quorum fructus prospere
Messium in opere

Se centuplicavit.

2. Per Mesopotamiam
Pontique provinciam
Iudas praedicavit,
Per Aegypti patriam
Verbi Dei gratiam
Simon promulgavit ;
V. Uterque in Persidam,
Ritu adhuc perfidam
Gentili, meavit.

3. Botrum portant inclita
De terra pollicita

Duo viri isti,
Quo stupentes faciunt
Omnes et alliciunt

Ad amorem Christi;
V. Extra multa milia

Botros hic electus,
Inter caeli lilia

Pascitur dilectus.

In 2. Nocturno.
Antiphonae.
1. Deo nostro psallite,
Psallite recenter,
Cum sanctis his psallite
Omnes sapienter.

2. Nobis esto, Domine
Deus, turris fortis
Istorum iuvamine
Contra ducem mortis.

3. Nuntiarunt opera
Pietatis Dei
Ducentes ad aethera
Multas gentes ei.

Responsoria.
1. Istae duae nobiles
Ex argento ductiles
Tubae sonuerunt,

Suis salutaribus
Totum mundum vocibus

Recenter moverunt ;
V. Excitant ad proelia
Cuncta contra vitia,

Quotquot crediderunt.

2. Thaddaeus cum Simone
Duos magos daemone
Plenos confuderunt,
Persidae de finibus
Signis et virtutibus
Illos propulerunt;
V. Vitae spreto famine
Erroris se sarcinae
Magi subdiderunt.

3. Isti duo proceres
Zizanias veteres

Orbis eradicant,

Qui sicut sol micant,
Per agrum dominicum
Panem evangelicum

Parvis cum masticant,
V. Verbi Dei framea
Fidei ab area

Errores extricant.

In 3. Nocturno.

Antiphonae.

1. Istorum sunt strenua
Virtute confracta
Peccatorum cornua
Et ad nil redacta.

2. Nuntiant iustitiam
Regis angelorum
Edoceutes latriam
Ritusque iustorum.

3. Dei testimonia

Hi custodierunt,
Hinc digne caelestia
Regna meruerunt.

Responsoria.

1. Ecce, luminaria
Duo bi egregia,

Simon cum Thaddaeo,
Orbem de caligine
Culpae solvunt, lumine
Ditant iubilaeo,
V. Plura bestialia
Per virtutum studia
Reddunt corda Deo.

2. De cuiusdam filia
Ducis de luxuria

Proles generatur,
Levita castissimae
Vitae ob hoc pessime
Innocens damnatur;
V. Excusant apostoli,
Tabescunt malevoli.
Levita salvatur.

3. Quadraginta milia
Spreta idolatria

Deo crediderunt,
Suis fractis statuis
Relictisque vacuis
Daemones fugerunt,
v. Templorum pontifices,
Canini carnifices,
Sanctos mactaverant.

In Laudibus.

Antiphonae.

1. Sanctos istos Dominus
Induit decore,
Quorum nibilominus
Laus est in bonore.

2. In conspectum Domini
Cum istis intremus
Ipsiusque nomini
Laudes iubilemus.

3. Iniqua loquentium
Ora obstruxerunt
Et sic caeli civium
Cborum intraverunt.

4. Deo benedicite,

Spiritus iustorum,
Ora laudi solvite
Sic apostolorum.

5. Cordibus et vocibus
Cum istis praecelsis
Attollamus laudibus
Deum in excelsis.

Ad Benedictus.

A. Benedictus oriens,
Verae lucis sator,
Cruce nobis moriens,
Aevae vitae dator,
Virtutis amator,
His intercedentibus
Sis nobis precantibus
Dulcis consolator.

Per Horas.

Ad Primam.

A. Devastantes vineas

Vulpes propulerunt,
Corrodentes tineas
Corda mactaverunt.

Ad Tertiam.

A. Digne in memoriam
Hominum vertuntur,
Caeli digne patriam
Qui ingrediuntur.

Ad Sextam.

A. Isti sicut lilia

Germina dederunt
Et in caeli curia
Fructus protulerunt.

Ad Nonam.

A. Poli iuncti civibus
Apud regem caeli
Prece nobis omnibus
Succurrant fideli.

In 1. Vesperis.

Antiphonae.
1. Sagenam dominicam
Mundo immerserunt,
Multam qui barbaricam
Gentem prendiderunt.

2. Conservis dominicum
Dignis et indignis
Erogarunt triticum
Et verbis et signis.

3. Erit in memoria

Laus horum aeterna,
Data enim gloria
Est eis superna.

4. Duo isti omnia

Domini mandata

Mundo per eloquia
Vulgaverunt grata.

B fol. 169 a sq.

5. Virtutum charismata
Plurima sparserunt,
Ad vera sic sabbata
Plures conduxerunt.

Ad Magnificat.

A. Sacro cum ternario
Salubri binario

Dulcis est iunctura,
Sacra nobis trinitas
Sit et haec dualitas

Opem largitura,
Cuius in trifaria,
Immo quadrifaria

Orbis partitura
Felix fit memoria,
Laus, honor et gloria

Nunquam transitura.